Matayu 26:14 - Maaron Saveeŋ Tooni Patabuyaaŋ Tuam

¹⁴ Mbiwa to Yesu saŋavul ve ru, toozi ee, eeza Yudas Iskariot. Saawe tana, i ila to yes daaba to watooŋrau,

Mutu (Oov)

¹⁴ Taghoniiŋa to Yesu saaŋgul ve ru, todi eez, iza Yudas Iskariot. Sawa tonenen, ye ila to yes daba to watooŋrau,

Matayu 26:14 Iomraidhean Croise

Matayu 10:4

Simon ite tau iyooz tomania yes Selot, ve Yudas Iskariot tau murei ighur Yesu ila koiŋa nimazi.

Matayu 26:25

Ra Yudas, ŋeer tau ighe ighur Yesu ila koiŋa nimazi na, aana ighason Yesu ighe: “Paduduŋaaŋ, saveeŋ tau usavia na, iŋarui ghau, ma?” Yesu iyol aliiŋa ighe: “Saveeŋ tauta yo usavia na.”

Matayu 26:47

Yesu isavsaav soone, ve Yudas igherev eval tiina gha tilam peria. (Mbiwa saŋavul ve ru, i toozi ee.) Eval tiina tawe, yes daaba to watooŋrau tomania pooza siriv to yes Yuda timbaaŋ zi. Yes tikis mbuzaagh ma zaab le irau zi.

Matayu 27:3

Yudas, ŋeer tau ighur Yesu ila koiŋa nimazi na, ilooŋ tighe yes daaba timbu saveeŋ to tirav Yesu imaat. Tauvene loolo ipataŋan kat, ve igham maet silva tamoot ee saŋavul (30) tau tigham pani na, ve ila ighe ipamuule. I ila ivot to yes daaba to watooŋrau ve yes pooza, ve isaav pazi ighe:

Yoan 12:4

Yudas Iskariot, i mbiwa to Yesu tau murei ighuru ila koiŋa nimazi. I ighita gabua tana, ve iburig gha isaav ighe:

Yoan 13:2

Ravrav izi, ve Yesu tomania mbiwa tooni tilup zi pa ghanghaniiŋ. Yudas tau Simon Iskariot naatu, Ŋeer Saghati ipazaagh loolo wa, leso ighur Yesu ila koiŋa nimazi.

Yoan 13:26

Yesu iyol aliiŋa ighe: “Yau aat nazeev mberet tane ila sur, ve nagham pa tamtamon toit ee. Ŋeer tane ta yau nasavia.” Ra igham mberet sirivu, izeeva ila sur, ve igham pa Yudas tau Simon Iskariot naatu na.

Yoan 13:30

Tauvene Yudas igham mberet sirivu tana, ve rekia mon iburig gha ivot ila pa muuri. Saawe tana, ndoroom izi wa.

Yoan 18:2

Nugh tawe, Yudas, ŋeer tau ighe ighur Yesu ila koiŋa nimazi na, iwataghi paam. Pasaa, Yesu tomania mbiwa tooni monmon tiluplup zi ta sewe.

Uraat To Yes Mbaŋooŋa 1:16

“Yam toŋvetaz, muuŋ, Avuvu Patabuyaaŋ ipaburigin kinik David gha ivotia Maaron aliiŋa tau iŋarui gabua tau ivot pa Yudas na. Saveeŋa igheen ila Maaron aliiŋa tau tiboode na, ve aazne anooŋa ivot wa. Pasaa, Maaron aliiŋa isov aat ighur anooŋa ivot itaghon i tauu ŋgar tooni. Yam awatagh: Yesu igham Yudas imin mbiwa tooni, ve itiŋa taluplup ghiit ve tabesbees pa uraat to Maaron. Eemon murei, Yudas ilaagh tomania Yesu koiŋa, ve itotoia pazi, tauta tikisi. Mbo 41:9

Uraat To Yes Mbaŋooŋa 1:18

Ŋgar tau Yudas ighamu na, iduduuŋ mako. Eemon tigham le atuya, ve ighol le taan sirivu ee pani. Eemon ila itap izala taan tawe, le aapo ivavaal ve kodkooda ivot.