Matayu 22:21 - Maaron Saveeŋ Tooni Patabuyaaŋ Tuam

²¹ Yes tiyol ghasoniiŋ tooni tighe: “Ena kinik tiina to Rom.” Yesu isaav pazi muul ighe: “Tauta ena. Ighe gabua to kinik tiina to Rom, na aghamu imuul ila pa i tauu. Ve gabua to Maaron, o apamuule ila pa Maaron.” Gnp 1:27; Ro 13:7

Mutu (Oov)

²¹ Yes tipamuul ghasoniiŋ toni tighaze: “Nanan kinik tiina to Rom.” Yesu isaav padi muul ighaze: “Tau tonene. Ighaze mbeb to kinik tiina to Rom, ghoro aghami imuul ila to tau. Ve mbeb to Maaron, yam apamuula ila to Maaron.” Mbnp 1:27; Ro 13:7

Matayu 22:21 Iomraidhean Croise

Matayu 22:20

ve ighason zi ighe: “Laak, sei anunu ve eeza tane?”

Matayu 22:37

Yesu iyol ghasoniiŋ tooni ighe: “Lolom pa Tiina tsio Maaron. Ughur lolom tomania ŋgar tsio ve tapirim isov ila pani. Lo 6:5

Matayu 4:10

Eemon Yesu iziire ighe: “Sadan, yo ughau ula! Pa Maaron aliiŋa tau tiboode na isaav tauvene: ‘Uput aghem pa Tiina tsio Maaron mon, ve ubees pa i zigani.’ ” Lo 6:13; Mt 16:23

Markus 12:17

Yesu isaav pazi muul ighe: “Tauta ena. Ighe gabua to kinik tiina to Rom, na aghamu imuul ila pa i tauu. Ve gabua to Maaron, o apamuule ila pa Maaron.” Yes tilooŋ saveeŋ tooni tane le tirur pani. Gnp 1:27; Ro 13:7; 1Pe 2:17

Lukas 20:25

Yesu isaav pazi muul ighe: “Tauta ena. Ighe gabua to kinik tiina to Rom, na aghamu imuul ila pa i tauu. Ve gabua to Maaron, o apamuule ila pa Maaron.” Gnp 1:27; Ro 13:7; 1Pe 2:17

Lukas 23:2

Ra tiŋgal saveeŋ pani tighe: “Yei nighita ŋeer tane monmon ikau tamtamon tsiei ŋgar toozi, ve ipapazaagh zi pa ghamuuŋ ŋgar sasaghati naol. I iŋgalsekin zi pa sikiiŋ takes ila pa kinik tiina to Rom paam. Ve ipapakur tauu ighe i Mesia ve kinik. Tauta nighamu ilam.” Lu 20:25; Mbaŋ 17:7

Uraat To Yes Mbaŋooŋa 4:19

Eemon yesuru tiyol aliŋazi tighe: “Yam taumim agabiiz: Ŋgar sindei tau iduduuŋ ila Maaron maata? Pale nilooŋ yam aliŋamim ve nitaghoni, ma nitaghon Maaron aliiŋa? Mbaŋ 5:29

Uraat To Yes Mbaŋooŋa 5:29

Petrus yesŋa mbaŋooŋa siriv tiyol aliiŋa tighe: “Yei irau nitaghon sorokin saveeŋ to tamtamon eta to taan mako. Saveeŋ tau iduduuŋ pa Maaron ŋgar tooni, o nitaghoni. Mbaŋ 4:19; Ga 1:10; 1Tes 2:4

Rau Tau Paulus Iboode Pa Yes Roma Rom--Romans 13:7

Tauvene saa gabua tau yam aat agham pa yes pooza, na aghamu. Ighe tipoi gham pa takes ma saa gabua, na agham pazi. Ve yes tau lezi ezazi, na yam atandagh pazi ve apakur zi. Pa ighe agham pazi tauvene, ene iduduuŋ. Mt 22:21