Matayu 21:9 - Maaron Saveeŋ Tooni Patabuyaaŋ Tuam

⁹ Ve tamtamon siriv timuuŋ pa Yesu, ve siriv tilaagh murei, ve tipaiti toman aliŋazi tiina tighe: “Hosana! Tapakur David Naatu. Ŋeer tane ilam pa Ŋeer Tiina eeza. Poia to Maaron aat izaa tooni ve ipaloti. Hosana! Tapait Maaron tau ileep saaŋa le saaŋa kat na eeza!” Mbo 118:26

Mutu (Oov)

⁹ Ve tamtoghon pida timuuŋ pa Yesu, ve pida tilaagh muri, ve tipaiti toman aliŋadi tiina tighaze: “Hosana! Tapakur David Natu. Ŋgeu tonene inim pa Ŋgeu Tiina iza. Poia to Maaron pale iza toni ve ipaloti. Hosana! Tapait Maaron to ineep sala le sala kat ne iza!” Mbo 118:26

Matayu 21:9 Iomraidhean Croise

Matayu 21:10

Yesu iloŋ ila Yerusalem, ve yes Yerusalema tisov tisaŋeeŋ ve tivaghasoni zi tighe: “Saa ŋeer tawe?”

Matayu 21:15

Tauvene geegeu tau tileep Rumei Tiina naagho na paam, tiboboob aliŋazi tiina tighe: “Hosana! Tapakur David Naatu!” Yes daaba to watooŋrau ve yes ŋgara to tutuuŋ tighita gabua ŋgeretazi tau Yesu ighamgham zi na, ve tilooŋ saveeŋ to geegeu tawe, le irau lolozi mako.

Matayu 23:39

Ve yau nasaav payo: Yo aat ughit ghau muul mako le irau ŋgar to tamtamon tsio ivot ve tisaav aghe: ‘Poia to Maaron izaa to ŋeer tane ve ipaloti. Pa i igham Maaron naagho ta ilam.’ ” Mbo 118:26

Matayu 9:27

Yesu ipul nugh tawe, ve isakia laghooŋ tooni muul ila, ve matazi kumkuuma ru titaghoni tilam, ve tiboboob tighe: “O, David Naatu, lolom raa, isaghatin ghei ve uul ghei lak!” Mt 20:29+

Lukas 13:35

Tauvene Maaron pale ipul rumei tsio igheen sorok ve le tamtamona mako. Ve yau nasaav payo: Yo aat ughit ghau muul mako, le irau ŋgar to tamtamon tsio ivot, ve tisaav tighe: Mt 23:37+; Lu 21:20,24 ‘Poia to Maaron izaa to ŋeer tane ve ipaloti. Pa i igham Maaron naagho ta ilam!’ ” Mbo 118:26

Lukas 2:14

“Tapait Maaron tau ileep saaŋa le saaŋa kat na eeza pa tapiri ve poia tooni. Mboŋ aazne, luuma to Maaron izilam taan. Tauvene yes tau Maaron loolo poia pazi, ene pale luuma tooni izaa toozi ve tileep poi.” Lu 19:38; Ro 5:1; Ep 2:14; Kol 1:20