Matayu 21:42 - Maaron Saveeŋ Tooni Patabuyaaŋ Tuam

⁴² Ra Yesu isaav pazi muul ighe: “Maaron aliiŋa ziiri ee tau tiboode na, yam awaato rigta, ma mako? Saveeŋ tawe isaav ighe: ‘Maet tau yes to raoŋ ruum matazi veleghini ve tisiki ilale, tauta imin puughu pa ruum iyooz ve ipaloti. Leso ruum iyooz ariaaŋ izala paavo. Maaron tauu igham ŋgar tane ivot. Ve yei nighita imin gabua ŋgereeta ee ila matamai.’ ” Mbo 118:22+; Mbaŋ 4:11

Mutu (Oov)

⁴² Ghoro Yesu isaav padi muul ighaze: “Maaron aliŋa waaro eez to timbooda, yam awaata rita, ma maau? Saveeŋ tonowen isaav ighaze: ‘Yaam to yes to reiŋ ruum matadi velegini ve tipiyaava ilale, tauto inim pughu pa ruum ve ipaloti. Leso ruum iyoon ariaŋa izala pogho. Maaron tau igham mbeb tonene ivot. Ve yei nighita inimale mbeb gharatooŋa eez ila matamai.’ ” Mbo 118:22+

Matayu 21:42 Iomraidhean Croise

Matayu 21:43

Ra Yesu iseeŋ saveeŋ tooni muul tauvene: “Isaav ighe tamtamon eta itap ve irav ghi izala maet tawe, ene pale tuua ipolpol. Ve isaav ighe maet tana itap izala tamtamon eta paavo, ene pale imbiriis le ŋanŋania. Tauvene yau nasaav payam kat: Maaron aat iwalaav pooz to nugh sambam payam, ve ighuru ila tamtamon siriv nimazi. Leso tigham uratoini le anooŋa ivot.” Is 8:14+; Ro 9:33; 1Pe 2:4,7+

Uraat To Yes Mbaŋooŋa 4:11

Yesu tane ta muuŋ tibood saveeŋ izaa tooni tighe: ‘Maet tau yam zeran to raoŋ ruum matamim veleghini ve asiki ilale na, tauta imin puughu pa ruum ve ipaloti. Leso ruum iyooz ariaaŋ izala paavo.’ Mbo 118:22; Mt 21:42

Rau Tau Paulus Iboode Pa Yes Roma Rom--Romans 9:33

Ŋgar tau tighamu na, saveeŋa tiboode pataghaaŋ wa. Isaav tauvene: “Aghita. Yau naghur maet ee igheen izi loloz Zion. Maet tawe, tamtamon siriv pale titut aghezi ila, ve titaptap. Eemon tamtamon tisov tau tighur ila tooni, ene pale tighita ghuruuŋ ila toozi anooŋa. Eta irau ighur maata pani sorok ne mako.” Mbo 118:22; Is 8:14, 28:16; 1Pe 2:6+

Epesus 2:20

Yam amin rumei to Maaron malimooŋa siriv. Rumei tawe, Maaron irao iyooz izala yes mbaŋooŋa to Krisi ve yes propet uraat toozi. Ve Yesu Krisi, i maet tau imin puughu pa rumei tana ve ipaloti.