Matayu 2:2 - Maaron Saveeŋ Tooni Patabuyaaŋ Tuam

² Yes tilam tivot Yerusalem, ve tighason tighe: “Kinik to yes Yuda tau tiina ipoopa na, ileep sindei? Pa yei nileep izi nugh tsiei ta aaz puughu we, ve nighita pitum paaghu ee imin ilaal pani. Tauta nilam nighe nighita, ve niput aghemai pani, ve nipakuru.” Nam 24:17

Mutu (Oov)

² Yes tila tivot Yerusalem, ve tighason tighaze: “Kinik to yes Yuda to tina ipoopa aazne, ineep sine? Pasa, yei nineep izi ndug tiei to ndag iza we, ve nighita pitum paghu eez to inim ghilalooŋ payei pani. Tauto ninim nighaze nighita, ve niput aghemai pani, ve nipakuri.” Nam 24:17

Matayu 2:2 Iomraidhean Croise

Matayu 2:3

Kinik Erod ilooŋ saveeŋ tane le irur ve igham ŋgar naol. Ve eval tiina to Yerusalem tisov tirur, ve tigham ŋgar naol paam.

Matayu 21:5

“Asaav pa tamtamon to Zion aghe: ‘Aghita kinik tsiam tau ilat na. I ŋeer marowa, ve itatan tauu eeza. Tauta mboole izala doŋki ve ilat. Mboole izala doŋki paaghu ee ve ilat.’ ” Is 62:11; Sek 9:9

Matayu 27:11

Yes Yuda tigham Yesu ila, ve tipayooze ila Piladus tau gavana to Yudea na naagho, ra Piladus ighasoni ighe: “Mindai, yo kinik to yes Yuda?” Yesu iyol aliiŋa ighe: “Saveeŋ tauta taum usavia na.” Yoan 18:36-37.

Lukas 19:38

“Ŋeer tane, i kinik tau ilam pa Ŋeer Tiina eeza. Poia to Maaron aat izaa tooni ve ipaloti! Aazne, ŋgar luuma ivot ve koi isap itiŋa Maaron to sambam sosoon muul mako. Tapait Maaron tau ileep saaŋa le saaŋa kat na eeza pa tapiri ve poia tooni.” Mbo 118:26; Lu 2:14; Ro 5:1; Ep 2:14

Lukas 2:11

Pasaa, mboŋ aazne, Uleeŋa tsiam, tiina ipoopa izi nugh to David wa. I Mesia, ve Tiina tsiam. Is 9:6; Mbaŋ 2:36; 1Yo 4:14

Lukas 23:3

Tauvene Piladus ighason Yesu ighe: “Mindai, yo tane, kinik to yes Yuda?” Yesu iyol aliiŋa ighe: “Saveeŋ tauta taum usavia na.” Yo 18:36

Lukas 23:38

Ve tibood paesiiŋ to mateegh tooni puughu izala ai pambarooŋ tooni daaba. Paesiiŋ tawe isaav tauvene: “Ene kinik to yes Yuda.”

Yoan 1:49

Natanael ilooŋ saveeŋ tane, ve ighe: “Rabi, yo Maaron Naatu. Yo mon ta kinik to Israel.” Mt 2:2, 16:16, 27:42; Yo 12:13

Yoan 12:13

Tauvene tigham gabua imin tuum raua, ve tivot tila tighe tighita. Saawe tau tighita, tipaburigin bobaaŋ ve tiyoor eeza tighe: “Hosana! Tapakur Maaron toit! Poia to Maaron aat izaa to ŋeer tane. Pasaa, i ilam pa Ŋeer Tiina eeza, ve i kinik to iit Israela!” Mbo 118:25+

Yoan 18:37

Piladus ilooŋ saveeŋ tooni, ve ighasoni muul ighe: “Ighe tauvene, na yo aat kinik taa?” Yesu iyol aliiŋa ighe: “Ene onoon. Saveeŋ tauta taum usavia na. Eemon yau kinik imin yo ugham ŋgar pani ne mako. Yau nazilam taan to napariaaŋ tamtamon to tighur ila saveeŋ onoon. Tinaŋ ipoop ghau pa puughu tane. Tauvene tamtamon tisov tau lolozi pa taghoniiŋ saveeŋ onoon, ene aat tilooŋ aliŋag ve titaghoni.” Yo 8:47

Yoan 19:19

Ve titaghon saveeŋ to Piladus, ve tibood mateegh tooni puughu ila ndiu sirivu ee, ra tiravu izala ai pambarooŋ tooni daaba. Paesiiŋ tawe isaav ighe: “Yesu to Nasaret, kinik to yes Yuda.”

Yoan 20:28

Tomas iyol aliiŋa ighe: “Yo Tiina tsiau, ve Maaron tsiau!”

Yoan 5:23

Leso tamtamon tisov tighita Naatu tighe i le eeza, ve titandagh pani raraate imin titandagh pa Taama Maaron. Ve isaav ighe tamtamon eta itandagh pa Maaron Naatu mako, ene itandagh pa Maaron mako paam. Pasaa, i ta imbaaŋ Naatu izilam taan. Lu 10:16; Pil 2:10+; 1Yo 2:23

Yoan 9:38

Ŋeer tana isaav pa Yesu ighe: “Tiina, yau naghur ilat tsio.” Ra iput aaghe pani ve ipakuru.

Hibru 1:6

Ve saawe tau Maaron ighe imbaaŋ Naatu aidaaba izilam taan, i isaav tauvene: “Aŋela tisov to Maaron aat tiput aghezi pani, ve tipakuru.” Mbo 97:7

Saveeŋ Yoŋgaaŋ 22:16

“Yau Yesu ta nambaaŋ aŋela tsiau ilat gha isavia saveeŋ tane pa yam tau aleep ila lupuuŋ tsiau irau nugh nugh. Leso napariaaŋ gham to aghur ilam tsiau. Yau paaghu to David. Yau salunu tau navot ila tooni. Ve yau pitum zauŋa to mboŋoozo tau isul kat.” Nam 24:17; Is 11:1+; Syg 2:28, 5:5