Matayu 2:15 - Maaron Saveeŋ Tooni Patabuyaaŋ Tuam

¹⁵ Tilepleep ta sewe le Erod imaat. Tauta saveeŋ tau Maaron ivotia ila propet tooni ee aavo na ighur anooŋa. Saveeŋ tauvene: “Natug ileep izi Isip, ve napoii imuul ilam.” Igham 4:22; Hos 11:1

Mutu (Oov)

¹⁵ Tinepneep tonowe le Erod imaat. Tauto saveeŋ to Maaron ivotia ila propet toni eez avo, anoŋa ivot. Saveeŋ tovene: Natug ineep izi Isip, ve napoii imuul inim. Igham 4:22; Hos 11:1

Matayu 2:15 Iomraidhean Croise

Matayu 1:22

Gabua isov tana itaghon saveeŋ tau muuŋ Maaron isavia ila propet tooni ee aavo na. Saveeŋ tauvene:

Matayu 2:14

Tauvene Yosep iburig pa mboŋ, ve igham ŋeer marani yesuru tiina, ve tighau tila pa Isip.

Matayu 2:17

Tauvene Maaron aliiŋa tau muuŋ propet Yeremia ivotia na, anooŋa ivot. Saveeŋ tauvene:

Matayu 2:19

Yosep yesuru Maria ve natuzi Yesu tilepleep izi Isip le Erod imaat. Ra aŋela ee to Maaron ila ivot to Yosep ila vivuuŋ,

Matayu 2:23

Tila tivot ta sewe, ve tileep izi nugh Nasaret. Tauta Maaron aliiŋa tau propet tooni tivotia na ighur anooŋa. Saveeŋ tauvene: Tamtamon pale tiwaato tighe ‘Ŋeer to Nasaret.’ Lu 2:39; Yo 1:46

Matayu 21:4

Tauta Maaron aliiŋa tau muuŋ propet tooni ee ivotia na ighur anooŋa. Saveeŋ tana isaav ighe:

Matayu 26:54

Eemon isaav ighe yau nagham tauvene, pale Maaron aliiŋa tau tiboode pataghaaŋ na ighur anooŋa mindai?”

Matayu 26:56

Poia. Akis ghau lak. Gabua isov tau ivot ne, ene itaghon Maaron aliiŋa tau yes propet tivotia ve tiboode pataghaaŋ na. Leso saveeŋ tawe ighur anooŋa.” Yesu isavia saveeŋ tane, ve mbiwa tooni tisov tipuli, ve tighawaar. Mbo 88:8; Mt 26:31

Matayu 27:35

Yes tirav Yesu izala ai pambarooŋ, ra tigham nonoghiiŋa tooni tomania gabua tooni siriv, tighe tirei irau zi. Tauvene tipayooz mbuur, leso itotoi sei ta pale igham saa gabua. Mbo 22:18

Matayu 8:17

Tauvene Maaron aliiŋa tau muuŋ propet Isaia ivotia na, anooŋa ivot. Saveeŋ tauvene: “Pataŋani toit naol tau igham ghiit tapiriin isov, tauta i ibaad zi tisov. Ve igharaat ghiit pa moroghooŋ toit paam.” Wkp 16:8-10; Is 53:4; 1Pe 2:24

Lukas 24:44

Ra Yesu isaav pazi ighe: “Matamim iŋgal aliŋag tau muuŋ itiŋa talepleep ve nasavia payam na: Saveeŋ isov tau tiboode izaa tsiau na, ene aat ighur anooŋa ivot itaghon Maaron ŋgar tooni. Saveeŋ tau igheen ila Mose tutuuŋ tooni, saveeŋ to yes propet, ve saveeŋ tau igheen ila mbouŋ to iit Israela na paam.” Mbo 2, 16, 22, 69, 72, 110, 118

Yoan 19:28

Yesu isavsaav pa tiina ve mbiwa tooni tana le isov, ra iwatagh ighe i ipasovuur uraat tooni naol isov wa. Tauvene isaav ighe: “Yau murun ghau!” Saveeŋ tane, i isavia leso Maaron aliiŋa tau tiboode na ighur anooŋa.

Yoan 19:36

Gabua tane tivot pa Yesu, leso Maaron aliiŋa ziiri ee tau tiboode na ighur anooŋa. Saveeŋ tauvene: “Irau tuua eta ipol mako.” Igham 12:46; Mbo 34:20

Uraat To Yes Mbaŋooŋa 1:16

“Yam toŋvetaz, muuŋ, Avuvu Patabuyaaŋ ipaburigin kinik David gha ivotia Maaron aliiŋa tau iŋarui gabua tau ivot pa Yudas na. Saveeŋa igheen ila Maaron aliiŋa tau tiboode na, ve aazne anooŋa ivot wa. Pasaa, Maaron aliiŋa isov aat ighur anooŋa ivot itaghon i tauu ŋgar tooni. Yam awatagh: Yesu igham Yudas imin mbiwa tooni, ve itiŋa taluplup ghiit ve tabesbees pa uraat to Maaron. Eemon murei, Yudas ilaagh tomania Yesu koiŋa, ve itotoia pazi, tauta tikisi. Mbo 41:9