Matayu 17:23 - Maaron Saveeŋ Tooni Patabuyaaŋ Tuam

²³ leso tiravu imaat. Eemon mboŋ imin tol, Maaron aat ipaburigini pa mateegh.” Mbiwa tooni tilooŋ saveeŋ tane le lolozi ipataŋan kat.

Mutu (Oov)

²³ leso tirabi imaat. Eemoghon mboŋ inim tol, Maaron pale ipamundigini pa mateeŋ.” Taghoniiŋa toni tilooŋ saveeŋ tonene, le lolodi ipataŋan kat.

Matayu 17:23 Iomraidhean Croise

Matayu 16:21

Saawe tana ve ila, Yesu isavsaav ghazooŋa pa mbiwa tooni ighe i aat ila pa Yerusalem, ve yes pooza tomania yes daaba to watooŋrau ve yes ŋgara to tutuuŋ tighur pataŋani naol pani tomania yavyavuuŋ tiina, ve tiravu imaat itaghon Taama Maaron ŋgar tooni. Eemon mboŋ imin tol, Maaron pale ipaburigini pa mateegh.

Matayu 17:9

Yes tipul loloz, ve saawe tau tilaghlaagh gha tizila, Yesu iŋgalsekin zi ariaaŋ ighe: “Gabua tau ŋgarig aghita na, avotia pa tamtamon rekia sov. Igheen tsiam mon le saawe tau Tamtamon Naatu iburig pa mateegh, mako avotia.” Mt 16:20

Matayu 20:19

Mako tighuru ila yes tau Yuda mako na nimazi. Leso anazi tipaŋiŋizaini, ve tilosi pa waar tuatua, ve tiravu izala ai pambarooŋ gha imaat. Eemon mboŋ imin tol, Taama Maaron pale ipaburigini pa mateegh.”

Matayu 27:63

“Tiina tsiei, yei matamai iŋgal saveeŋ ziiri ee tau aavo karom tawe isavia. Saawe tau ileep maata yaryaare, i isavsaav ighe: ‘Yau aat namaat. Ve mboŋ imin tol, mako naburig muul.’

Markus 8:31

Saawe tana, Yesu iburig ve ipaghazoŋai tauu pa mbiwa tooni ighe: “Tamtamon Naatu, i aat ibaad pataŋani naol, ve yavyavuuŋ tiina ighamu itaghon Taama Maaron ŋgar tooni. Ve yes pooza tomania yes daaba to watooŋrau, ve yes ŋgara to tutuuŋ pale tizori, ve tiravu imaat. Eemon mboŋ imin tol, i pale iburig pa mateegh.”

Markus 9:30

Yesu tomania mbiwa tooni tipul nugh tawe, ve timbut taan sirivu to Galilaia. Yes tilaagh imin yoŋgaaŋ, leso tamtamon tiwatagh laghooŋ toozi sov. Pasaa, Yesu ighe ipaghazoŋai mbiwa tooni mon pa ŋgar tau pale ivot pani. I isaav pazi ighe: “Tamtamon Naatu, pale tighuru ila koiŋa nimazi, leso tiravu imaat. Eemon mboŋ imin tol, i aat iburig pa mateegh.”

Yoan 16:6

Onoon, saveeŋ tau nasavia payam ne, aat igham gham lolomim ipataŋan kat.

Yoan 2:19

Yesu iyol aliŋazi ighe: “Isaav ighe yam areu rumei tane izi, yau aat napayooze muul pa mboŋ tol mon.” Mk 14:58; Mbaŋ 6:14