Matayu 15:12 - Maaron Saveeŋ Tooni Patabuyaaŋ Tuam

¹² Yesu isavia saveeŋ tane le isov, ra mbiwa tooni tila tipaes pani tighe: “Yo uwatagh, ma mako? Zeran tutuuŋa tilooŋ saveeŋ tsio tana le irau lolozi mako.”

Mutu (Oov)

¹² Yesu isavia saveeŋ tonene le isob, ghoro taghoniiŋa toni tila tipaes pani tighaze: “Yom uwatag maau? Ndiran tutuuŋa tilooŋ saveeŋ tiom tonanan le irau lolodi maau.”

Matayu 15:12 Iomraidhean Croise

Matayu 11:6

Ve tamtamon tau ighe ighita uraat tsiau ve irere ghau mako, ene aat tintini pa poia to Maaron tau pale izaa tooni.” Mt 13:57, 26:31

Matayu 15:11

Gabua tau iloŋ ila tamtamon avozi ve izila apozi, eta irau igham zi tisaghat ila Maaron maata ne mako. Ŋgar sasaghati tau igheen ila tamtamon lolozi ve tisavia ivot pa avozi, tauta igham zi tisaghat ila Maaron maata.” Mt 12:34; 1Tim 4:4

Matayu 15:13

Eemon Yesu iyol aliŋazi ighe: “Matamim ila pazi sov. Gabua naol isov tau Tamaŋ tau ileep sambam ivazogh zi mako, ene pale tikuruv zi tomania wariazi, ve tisik zi tilalez. Zeran tawe, yes timin tamtamon matazi kumkuuma tau tighe titotoi eez pa zetazŋa siriv tau matazi kumkuuma paam. Eemon isaav ighe ŋeer eta tau maata kumkuuma na, igherev iitete ite tau maata kumkuuma paam ve itotoi eez pani, ene pale yesuru ve titap tizila puura.” Mt 23:16,24; Lu 6:39; Ro 2:19

Matayu 17:27

Eemon tavaghamunia zeran tawe lolozi sov. Tasik lak. Tauvene ula ve usik yaav tsio izila yaa naliu. Iigh tau ughoona imin maata na, maet silva ee pale igheen ila aavo. Ughamu ula, ve usiki imin ituru abuun.”

2 Korin 6:3

Besooŋ tsiei tau nighamghamu pa Krisi ne, yei nighe nitaghon ŋgar tau iduduuŋ kat ila tamtamon matazi. Pa ighe nigham sosor eta, ve tamtamon tirere ghei, ene pale sosor tsiei tana ipoon zi ve tighur ila to Krisi mako. Ro 14:13; 1Kor 8:13, 10:32

Galesia 2:5

Eemon yei niyooz ariaaŋ, ve nilooŋ aliŋazi rigta mako. Pasaa, nighe le saveeŋ onoon to vaaru poia igheen duduuŋ pa yam tau Yuda mako na.

Yakobus 3:17

Eemon ŋgar tau igheen sambam ve izilam, ene igham ghiit tataghon ŋgar ŋgalaaŋa imin maata. Mako igham ghiit tavalupu ghiit tamin eemon ve taleep toman loloon luuma ve ŋgar marowa irau saawe. Ve igham ghiit tayooz ariaaŋ pa tauun ŋgar toit mako, ve tamin loŋlooŋ pa zetaanŋa ŋgar toozi. Ve igham ghiit loloon isaghatin tamtamon kat ve tauul zi, ve tatotoi ŋgar popoia maata maata. Ve takis ŋgar isov tane tuŋia, ve tagham zi toman loloon. Ro 12:9+; 1Pe 1:22; 1Yo 3:18