Matayu 13:53 - Maaron Saveeŋ Tooni Patabuyaaŋ Tuam

^53-54 Yesu isavia saveeŋ palelaaŋ naol tana le isov, ra iburig, ipul nugh tawe, ve imuul ila pa nugh tooni puughu. I ipaghazoŋai zi pa Maaron aliiŋa iloŋ ila rumei toozi, le tirur pa ŋgar tooni, ve tisaav tighe: “Wai, ŋeer tane igham ŋgar tiina tane sindei? Ve igham tapiri to ghamuuŋ gabua ŋgeretazi tintiina tauvene izi sindei? Yo 7:15

Mutu (Oov)

^53-54 Yesu isavia saveeŋ palelaaŋ naol tonene le isob, ghoro imundig, ipul ndug tonowen, ve imuul ila pa ndug toni pughu. Ye ipatoot di pa Maaron aliŋa ilooŋ ila rumai todi, le ruŋadi iza pa ŋgar toni, ve tisaav tighaze: “Wai, ŋgeu tonene igham ŋgar tiina tonene sine? Ve igham tapiri to ghamuuŋ mbeb gharatooŋadi tintina tovene izi sine? Yo 7:15

Matayu 13:53 Iomraidhean Croise

Matayu 13:3

Yesu ipaghazoŋai zi pa gabua naol ila saveeŋ palelaaŋ. I isaav pazi ighe: “Alooŋ. Pai ee, ŋeer ee igham wit uuve, ve ila uum tooni ighe isuruuv zi.

Matayu 13:52

Yesu isaav pazi muul ighe: “Tauvene yes ŋgara to tutuuŋ tau tighazooŋ pa pooz to nugh sambam ve titaghoni, ene yes tisov timin ruum tauu ta ipaspas kuaz paghpaaghu ve muŋganazi pa katkaat tooni.”

Matayu 7:28

Yesu ivotia mos tana le isov, ve eval tiina tau tiloŋlooŋa na, tirur pa ŋgar tooni.