Matayu 12:3 - Maaron Saveeŋ Tooni Patabuyaaŋ Tuam

^3-4 Yesu iyol aliŋazi ighe: “Sinaiŋ muŋgaana tau isavia saawe tau kinik David yesŋa zeetŋa siriv pitool zi na, yam awaato, ma mako? Saawe tana, David iloŋ ila balbaal patabuyaaŋ to Maaron, ve igham mberet patabuyaaŋ tau tighuru ila Maaron naagho na. Mberet tawe le ŋgalsekiiŋa tauvene: Tamtamon sorok irau tighani mako. Yes zeran to watooŋrau mon, o tighani. Eemon David igham mberet tana gha ighani, ve irei sirivu pa ziŋeera gha tighan paam. 1Sam 21:1+

Mutu (Oov)

^3-4 Yesu ipamuul aliŋadi ighaze: “Kamos to isavia sawa to kinik David yesŋa ndita pida pitool di, yam awaata, ma maau? Sawa tonenen, David ilooŋ ila mbeez (o haus sel) patabuaŋ to Maaron, ve igham mberet patabuaŋ to tighuri ila Maaron nagho. Mberet tonowen tutuuŋa tovene: Ival tiina irau tighan maau. Yes ndiran to watooŋrau moghon, ghoro tighani. Eemoghon David igham mberet tonenen ve ighani, ve irei pida pa tamtoghon toni, ve tighan paam. 1Sam 21:1+

Matayu 12:3 Iomraidhean Croise

Matayu 12:2

Zeran tutuuŋa siriv tau tileep tigharau zi na, tighit zi, ve tisaav pa Yesu tighe: “Ughita! Aazne, ene saawe to uraat mako. Ene umbom patabuyaaŋ to Maaron! Ŋgar tau mbiwa tsio tighamu ne, ene isapir pa tutuuŋ to umbom patabuyaaŋ.” Igham 20:10, 34:21

Matayu 12:5

Ve saveeŋ to tutuuŋ tau isavia uraat to yes zeran to watooŋrau na paam, yam awaato ma mako? Umbom patabuyaaŋ isov to Maaron, yes timariau mako. Tighamgham uraat iloŋ ila Rumei Tiina loolo, imin tighamghamu pa saawe siriv. Tauvene yes paam timalaaŋ pa tutuuŋ to saawe patabuyaaŋ. Eemon lezi sosor eta ila Maaron maata pa ŋgar tana mako. Nam 28:9+

Matayu 19:4

Yesu iyol ghasoniiŋ toozi ighe: “Yam awaat saveeŋ to Maaron, ma mako? Saveeŋ tooni isaav tauvene: Indeeŋ saawe imin maata kat tau Maaron ighur sambam ve taan, i ighur tamtamon. Ighur tamoot ve livaa. Gnp 1:27, 5:2

Matayu 21:16

Tauvene tisaav pa Yesu tighe: “Ai, saveeŋ tau tibobaini we, yo ulooŋa, ma mako?” Yesu iyol aliŋazi ighe: “Vee, yau nalooŋa wa. Ve mindai, yam awaat saveeŋ to Maaron rigta, ma mako? Pa saveeŋ tooni ziiri ee isaav tauvene: ‘Maaron, yo ughur geegeu to tipait yo ezam! Yes tau zolman rig, ve yes tau tighunghun tuz na paam!’ ” Mbo 8:2

Matayu 22:31

Aiyo, yau naghe naghason gham pa burigiiŋ to yes mateegha. Mindai, Maaron aliiŋa ziiri ee isaav payam ighe: ‘Yau Maaron to Abaram, Maaron to Isak, ve Maaron to Yakop.’ Igham 3:6 “Yam awaat saveeŋ tawe, ma mako? Maaron, i Maaron to yes mateegha mako. I Maaron to yes tau tileep matazi yaryaare.” Mbaŋ 7:32; Hib 11:16

Markus 12:10

Ra Yesu isaav pazi muul ighe: “Maaron aliiŋa ziiri ee tau tiboode na, yam awaato, ma mako? Saveeŋ tawe isaav ighe: ‘Maet tau yes to raoŋ ruum matazi veleghini, ve tisiki ilale, tauta imin puughu pa ruum iyooz ve ipaloti. Leso ruum iyooz ariaaŋ izala paavo.

Markus 12:26

Aiyo, yau naghe naghason gham pa burigiiŋ to yes mateegha. Mindai, saveeŋ ziiri ee tau Mose iboode na, isavia saawe tau Maaron ivot tooni imin yav ighanghan ila ai marani. Yam awaat saveeŋ tawe, ma mako? Saawe tana, Maaron isaav pani ighe: ‘Yau Maaron to Abaram, Maaron to Isak, ve Maaron to Yakop.’ Igham 3:6; Mbaŋ 7:32; Hib 11:16 “Maaron, i Maaron to yes mateegha mako. I Maaron to yes tau tileep matazi yaryaare. Tauvene ŋgar tsiam isapir kat.”

Lukas 10:26

Yesu iyol aliiŋa ighe: “Saveeŋ tau igheen ila tutuuŋ na, yo uwaato ve ugham ŋgar pani mindai?”

Lukas 6:3

Yesu iyol aliŋazi ighe: “Sinaiŋ muŋgaana tau isavia saawe tau kinik David yesŋa zeetŋa siriv pitool zi na, yam awaato, ma mako?