Matayu 10:4 - Maaron Saveeŋ Tooni Patabuyaaŋ Tuam

⁴ Simon ite tau iyooz tomania yes Selot, ve Yudas Iskariot tau murei ighur Yesu ila koiŋa nimazi.

Mutu (Oov)

⁴ Simon ite to iyoon toman yes Selot, ve Yudas Iskariot to muri ighur Yesu ila koia nimadi.

Matayu 10:4 Iomraidhean Croise

Matayu 26:14

Mbiwa to Yesu saŋavul ve ru, toozi ee, eeza Yudas Iskariot. Saawe tana, i ila to yes daaba to watooŋrau,

Matayu 26:15

ve ighason zi ighe: “Laak, isaav ighe yau naghur Yesu ila nimamim, pale agham leg saa?” Tauvene tigham le maet silva irau tamoot ee saŋavul (30).

Matayu 26:2

“Yam awatagh: Mboŋ ru isov, mako tazaa pa saawe to lupuuŋ tiina to Pasova. Ve Tamtamon Naatu, aat tighamu ve tighuru ila koiŋa nimazi itaghon Maaron ŋgar tooni, leso tiravu izala ai pambarooŋ.” Igham 12:1+; Mt 20:18

Matayu 26:47

Yesu isavsaav soone, ve Yudas igherev eval tiina gha tilam peria. (Mbiwa saŋavul ve ru, i toozi ee.) Eval tiina tawe, yes daaba to watooŋrau tomania pooza siriv to yes Yuda timbaaŋ zi. Yes tikis mbuzaagh ma zaab le irau zi.

Matayu 27:3

Yudas, ŋeer tau ighur Yesu ila koiŋa nimazi na, ilooŋ tighe yes daaba timbu saveeŋ to tirav Yesu imaat. Tauvene loolo ipataŋan kat, ve igham maet silva tamoot ee saŋavul (30) tau tigham pani na, ve ila ighe ipamuule. I ila ivot to yes daaba to watooŋrau ve yes pooza, ve isaav pazi ighe:

Markus 14:10

Mbiwa to Yesu saŋavul ve ru, toozi ee, eeza Yudas Iskariot. Saawe tana, i ila to yes daaba to watooŋrau, ve isaav pazi ighe i pale ighur Yesu ila nimazi.

Markus 14:43

Yesu isavsaav soone, ve Yudas igherev eval tiina gha tilam peria. (Mbiwa saŋavul ve ru, i toozi ee.) Eval tiina tawe, yes daaba to watooŋrau tomania yes ŋgara to tutuuŋ ve pooza siriv to yes Yuda timbaaŋ zi. Yes tikis mbuzaagh ma zaab le irau zi.

Lukas 22:3

Saawe tana, Sadan izeev Yudas Iskariot. Mbiwa to Yesu saŋavul ve ru, i toozi ee. Yo 13:2,27

Lukas 22:47

Yesu isavsaav soone, ve Yudas igherev eval tiina gha tila tivot tooni. (Mbiwa saŋavul ve ru, Yudas, i toozi ee.) I iŋarui Yesu ila ighe iyaŋin pani.

Yoan 13:2

Ravrav izi, ve Yesu tomania mbiwa tooni tilup zi pa ghanghaniiŋ. Yudas tau Simon Iskariot naatu, Ŋeer Saghati ipazaagh loolo wa, leso ighur Yesu ila koiŋa nimazi.

Yoan 6:64

Eemon tamtamon siriv tau tileep ila yam sosomim na, tighur ila mako.” Yesu isavia saveeŋ tane pasaa, saawe tau i ipaburigin uraat tooni ve ilam ne, i iwatagh yes tau tighur ila tooni mako. Ve ŋeer tau murei pale ighuru ila koiŋa nimazi na paam, Yesu iwataghi.

Yoan 6:71

Saveeŋ tane, Yesu isavia izaa to Yudas tau Simon Iskariot naatu. Onoon, mbiwa saŋavul ve ru tooni, Yudas, i toozi ee. Eemon murei, i ighur Yesu ila koiŋa nimazi. Mt 26:14+

Uraat To Yes Mbaŋooŋa 1:13

Yes tilaagh tila tivot Yerusalem, ve malmalizi tizala pa niazi to lepoogh tau igheen ruum loolo saaŋa na. Zeran tawe, ene Petrus yesuru Yoan, Yakobus, Andreas, Pilip gha Tomas, Patoromai gha Matayu, ve Yakobus ite tau Alapai naatu na, ve Simon (i to yes Selot) ve Yudas tau Yakobus naatu na. Saawe isov, yesŋa Yesu tiina Maria tomania tazŋa ve zilivaa siriv, lolozi eemon ve tiluplup zi pa suŋuuŋ.