Matayu 1:22 - Maaron Saveeŋ Tooni Patabuyaaŋ Tuam

²² Gabua isov tana itaghon saveeŋ tau muuŋ Maaron isavia ila propet tooni ee aavo na. Saveeŋ tauvene:

Mutu (Oov)

²² Mbeb tonenen tisob titaghon saveeŋ to muuŋ Maaron ivotia ila propet toni eez avo. Saveeŋ tovene:

Matayu 1:22 Iomraidhean Croise

Matayu 12:17

Tauvene Maaron aliiŋa tau muuŋ propet Isaia ivotia na, anooŋa ivot. Saveeŋ tauvene:

Matayu 13:21

Eemon saveeŋ tawe igheen tuŋia ila lolozi mako. Yes timin aniiŋ tau waria izila taan loolo geeg mako. Tauvene tiyooz tuŋia mako. Isaav ighe tamtamon tigham saghatin zi, ma pataŋani ite paam ivot pazi pasaa, titaghon Maaron aliiŋa, ene rekia mon ve tipul ghuruuŋ ila toozi, ve tighur murizi pa Maaron.

Matayu 13:35

Tauvene Maaron aliiŋa tau propet ee ivotia na ighur anooŋa. Isaav ighe: Avog pale ikaak, ve nasavia saveeŋ palelaaŋ. Ŋgar siriv tau iyooŋ indeeŋ saawe tau Maaron ighur sambam ve taan, ve ilam imuul aazne, yau aat nasavi zi tivot tighazooŋ. Mbo 78:2

Matayu 2:15

Tilepleep ta sewe le Erod imaat. Tauta saveeŋ tau Maaron ivotia ila propet tooni ee aavo na ighur anooŋa. Saveeŋ tauvene: “Natug ileep izi Isip, ve napoii imuul ilam.” Igham 4:22; Hos 11:1

Matayu 2:23

Tila tivot ta sewe, ve tileep izi nugh Nasaret. Tauta Maaron aliiŋa tau propet tooni tivotia na ighur anooŋa. Saveeŋ tauvene: Tamtamon pale tiwaato tighe ‘Ŋeer to Nasaret.’ Lu 2:39; Yo 1:46

Matayu 5:17

Yesu isaav muul ighe: “Mindai, yam aghe yau nalam to nareu tutuuŋ to Mose ve saveeŋ to yes propet? Mako. Yau nalam to nagham ŋgar tauvene mako. Yau nalam to napaghazoŋai saveeŋ toozi, ve nagham anooŋa ivot. Lu 24:44; Ro 3:31

Matayu 8:17

Tauvene Maaron aliiŋa tau muuŋ propet Isaia ivotia na, anooŋa ivot. Saveeŋ tauvene: “Pataŋani toit naol tau igham ghiit tapiriin isov, tauta i ibaad zi tisov. Ve igharaat ghiit pa moroghooŋ toit paam.” Wkp 16:8-10; Is 53:4; 1Pe 2:24

Lukas 21:22

Pasaa saawe tana, Maaron pale iyat sosor to yes Yuda itaghon aliiŋa isov tau tiboode na. Yer 5:29; Dan 9:26+; Hos 9:7

Lukas 24:44

Ra Yesu isaav pazi ighe: “Matamim iŋgal aliŋag tau muuŋ itiŋa talepleep ve nasavia payam na: Saveeŋ isov tau tiboode izaa tsiau na, ene aat ighur anooŋa ivot itaghon Maaron ŋgar tooni. Saveeŋ tau igheen ila Mose tutuuŋ tooni, saveeŋ to yes propet, ve saveeŋ tau igheen ila mbouŋ to iit Israela na paam.” Mbo 2, 16, 22, 69, 72, 110, 118

Yoan 15:25

Ŋgar tau tigham payau na, ene itaghon saveeŋ tau muuŋ tiboode ila tutuuŋ toozi. Isaav ighe: ‘Yes tighur koi payau sorok.’ ” Mbo 35:19, 69:4

Yoan 17:12

Tapirim tomania ŋgar tsio tau ezam tiina pani na, yo ugham payau paam. Tauvene saawe tau nalepleep tomani zi, yau naŋgin zi ila yo ezam, ve namin sigheu pazi. Tauta toozi eta ilale mako, ve aazne tikiskis ezam tomania ŋgar tsio ariaaŋ. Ŋeer tau eeza igheen pataghaaŋ to ilale, i mon ta ilale. Leso saveeŋ tsio tau tiboode na, ighur anooŋa. Mbo 41:9; Yo 6:39,70

Yoan 18:9

I isaav pazi tauvene, leso saveeŋ tooni tau muuŋ i isavia na ighur anooŋa. Saveeŋ tauvene: ‘Yes tau yo ugham zi payau na, napul toozi eta ilale mako.’ Yo 17:12

Uraat To Yes Mbaŋooŋa 3:18

Ve alooŋ. Muuŋ, Maaron ivotia aliiŋa ila propet tooni tisov avozi ighe Mesia tooni aat ibaad pataŋani ve iyamaan yavyavuuŋ tiina. Ŋgar tau yam agham pa Yesu, ene eez tau Maaron aliiŋa tawe anooŋa ivot. Mbo 22; Is 53:5+; Lu 24:44; 1Pe 1:10+

Rau Tau Paulus Iboode Pa Yes Roma Rom--Romans 1:2

Vaaru poia tane itaghon saveeŋ mbuaaŋ tau muuŋ Maaron ivotia ila yes propet tooni avozi, ve tiboode ila rau patabuyaaŋ na. Lu 24:25+; Ro 15:8, 16:25+

Saveeŋ Yoŋgaaŋ 17:17

Pasaa, Maaron ighur ŋgar igheen ila kinik saŋavul tawe lolozi wa ighe tilup ŋgar toozi imin eemon, ve tipuliir gabua tau tiŋginŋgin zi na ila gabua saghati niima. Leso iŋgin zi le irau Maaron saveeŋ tooni ighur anooŋa. Tauvene ŋgar tane pale ivot itaghon Maaron tauu ŋgar tooni.