Lukas 9:29 - Maaron Saveeŋ Tooni Patabuyaaŋ Tuam

²⁹ I isuŋsuŋ, ve naagho itoora, ve nonoghiiŋa tooni paam ipisosooŋ le isul toman mbonari tiina.

Mutu (Oov)

²⁹ Ye isuŋsuŋ, ve nagho itoora, ve nonogiiŋa toni paam ipisosooŋ ve isul kat.

Lukas 9:29 Iomraidhean Croise

Matayu 17:2

Tilepleep ta sewe, ve Yesu tiini itoora ila yes tol matazi, le naagho isul toman mbonari tiina kat imin aaz maata. Ve nonoghiiŋa tooni paam, ipisosooŋ kat ve mbonari tiina. Igham 34:29+; Yo 1:14; 2Pe 1:16+

Markus 16:12

Murei ra, mbiwa ru to Yesu tipul nugh tiina Yerusalem, ve tilaghlaagh taghon eez tila, ve Yesu ivot toozi. Eemon tighilaalo rekia mako. Pasaa, naagho ite rig.

Lukas 3:21

Saawe tau eval tiina tigham yaa, Yesu paam ila tomani zi ighe igham yaa. Saawe tau igham yaa ve isuŋsuŋ, sambam ikaak, ve Avuvu Patabuyaaŋ izilam imin mbuun gha izala paavo. Ra saveeŋ sambam ve izilam ighe: “Yau natug eemon ta yo. Yau lolog igheen tsio, ve yo ugham ghau lolog poia kat.” Mbo 2:7; Is 42:1; Mt 17:5; Yo 1:32

Lukas 5:16

Tauta saawe siriv, i ilala pa nugh ŋginaaŋa. Leso zigani ileep ve isuŋ. Mt 14:23; Mk 1:35, 6:46

Lukas 6:12

Saawe tana, Yesu izala pa loloz ee ighe isuŋ. Mboŋ tana, isuŋsuŋ ila le nughizau.

Lukas 9:18

Saawe ee, Yesu tomania mbiwa tooni zigazi tileep, ve i isuŋsuŋ. Isuŋ le isov, ve ighason zi ighe: “Laak, tamtamon tigham ŋgar payau tighe yau sei?”

Lukas 9:30

Malau mako ve zeran ru, Mose gha Ilia, tivot tooni toman mbonarizi tiina, ve yesŋa Yesu tisavsaav pa uraat tau i pale ighamu izi Yerusalem, ve eez to i igham mulin tamtamon, ve ipul taan gha imuul izala pa sambam.

Yoan 1:14

Aghita. Ŋeer tau ipaghazoŋai saveeŋ onoon ve ŋgar to Maaron pait, tauta imin tamtamon ve ilam gha ileep ila sosoon. I itotoi Maaron tapiri ve poia tooni ivot ighazooŋ, ve yei nighita pa matamai. Tauta nighilaalo nighe i Maaron tauu Naatu eemon tau ileep to Taama Maaron ve ilam. Poia to Maaron tomania ŋgar tooni tau isasavia saveeŋ onoon mon, ene ivon ila to Naatu tawe. Pil 2:6+; Kol 2:9; 1Tim 3:16; Hib 2:14; 1Yo 1:1+

Uraat To Yes Mbaŋooŋa 6:15

Yes tau tileep ila lupuuŋ tana tilooŋ saveeŋ tane, le tisov tidaad matazi pa Stepanus, ve tighita naagho isul imin aŋela.

Saveeŋ Yoŋgaaŋ 20:11

Ra matag ila le naghita Maaron ileep ila niia to ghamuuŋ pooz. Niia tawe, pisosooŋa ve tiina kat. Ve taan tomania gabua naol isov to sambam saamba tighe tighau pa i maata. Eemon lezi nugh eta to tiyooŋ pani mako. Mt 25:31+; 2Pe 3:7,10+