Lukas 9:24 - Maaron Saveeŋ Tooni Patabuyaaŋ Tuam

²⁴ Pa ighe tamtamon eta iil eez pa tauu leso ileep poia izi taan, ene pale ilale. Ve isaav ighe tamtamon eta loolo eemon ve ipul tauu payau, i aat igham lepoogh poia ila to Maaron. Lu 17:33; Yo 12:24+

Mutu (Oov)

²⁴ Pasa, tamtoghon to ighaze ikaal ataam pa tau leso ineep poia izi taan, ye pale ilale. Ve ighaze tamtoghon eta lolo ee moghon, ve ipul tau payou, nene pale igham nepooŋ poia ila to Maaron. Lu 17:33; Yo 12:24+

Lukas 9:24 Iomraidhean Croise

Matayu 10:39

Isaav ighe tamtamon eta izuari ghi pa ghamuuŋ lepoogh poia to taan mon, ene pale ilale. Ve isaav ighe tamtamon eta loolo eemon ve ipul tauu payau, ene pale igham lepoogh poia ila to Maaron.”

Lukas 17:33

Isaav ighe tamtamon eta iil eez pa tauu leso ileep poia izi taan, ene pale ilale. Ve isaav ighe tamtamon eta loolo eemon ve ipul tauu payau, ene pale igham lepoogh poia ila to Maaron. Mt 10:39; Lu 9:24; Yo 12:25

Yoan 12:25

Isaav ighe tamtamon eta loolo pa ghamuuŋ lepoogh poia to taan mon, ene pale tauu ilale. Ve isaav ighe tamtamon eta ighur muuri pa taan lepoogha, i aat igham lepoogh poia ila to Maaron taghon taghon gha ila. Mt 10:39, 16:25

Hibru 11:35

Ve zilivaa siriv, Maaron ipaburigin mateegha toozi. 1King 17:21+; 2King 4:32+ Tamtamon siriv, koiazŋa tighur yavyavuuŋ maata maata pazi, ve tisaav pazi tauvene: “Isaav ighe yam aghur murimim pa Maaron tsiam, ene pale nipul gham ala.” Eemon yes tilooŋ aliŋazi mako, ve tiyooz ariaaŋ pa badooŋ pataŋani. Pasaa, tighur ila tighe Maaron pale ipaburigin zi pa mateegh, ve tigham lepoogh poia kat tau iliiv pataŋani naol tau tibaad zi izi taan.

Saveeŋ Yoŋgaaŋ 12:11

Toŋvetaz toit tigham ŋgar pa lepoogh poia to taan mako, ve tiroi pa mateegh mako. Tirei tauzi kat. Ve Sipsip to Maaron siŋ tooni ipalot zi le tiyooz ariaaŋ pa votiaaŋ saveeŋ onoon ila ila le irau mateegh toozi. Tauta tiliiv Ŋeer Saghati wa. Yo 12:25; Ro 16:20; 1Yo 5:4; Syg 7:14

Saveeŋ Yoŋgaaŋ 2:10

Yau nasaav payo: Malau mako pale pataŋani ite paam ivot payo. Eemon uroi sov. Ŋeer Saghati pale ipazaagh tamtamon ve tighur tamtamon tsio siriv tiloŋ tila ruum to yavyavuuŋ. Pataŋani tana pale itoov ghuruuŋ ila tsiam. Eemoghon pale igham gham irau mboŋ saŋavul mon, ve isov. Isaav ighe akis ghuruuŋ ila tsiam tuŋia le saawe tsiam to mateegh, ene pale nagham lemim atuya to yes tau tiyooz ariaaŋ ve tiliiv tovaaŋ na. Atuya tawe, ene lepoogh to taleep mataan yaryaare le alok. 2Tim 4:8; Yems 1:12