Lukas 8:50 - Maaron Saveeŋ Tooni Patabuyaaŋ Tuam

⁵⁰ Yesu ilooŋ saveeŋ tana, ve isaav pa Yairus ighe: “Uroi sov. Ukis ghuruuŋ ila tsio ariaaŋ, o natum livaa iburig muul.”

Mutu (Oov)

⁵⁰ Yesu ilooŋ saveeŋ tonenen, ve isaav pa Yairus ighaze: “Umatughez malep. Ukis ghurla tiom ariaŋa, ghoro natum liva imundig muul.”

Lukas 8:50 Iomraidhean Croise

Markus 5:36

Eemon Yesu taliiŋa irav saveeŋ toozi. Tauvene isaav pa Yairus ighe: “Uroi sov. Ukis ghuruuŋ ila tsio ariaaŋ.”

Markus 9:23

Yesu isaav pani ighe: “Wai, mindai ta yo usaav ughe: ‘Isaav ighe yo urao, o uul ghei.’ Ene igheen ila ghuruuŋ ila tsio mon. Tamtamon tau ighe ighur ila, ene aat gabua eta ikeeka mako.” Mk 11:23; Yo 11:40

Lukas 8:48

Yesu ilooŋ saveeŋ tooni, ve isaav pani ighe: “Livug, ghuruuŋ ila tsio, tauta iuul ghom gha tinim poia wa. Ula toman lolom poia.”

Lukas 8:51

Tila peria ruum, ve Yesu iŋgalsekin tamtamon ighe eta iloŋ ila ruum loolo tomani zi sov. Ra igham Petrus, Yoan, ve Yakobus, tomania livaa marani taama ve tiina, ve yes mon tiloŋ tila.

Yoan 11:25

Yesu isaav pani muul ighe: “Ulooŋ. Yau taug ta namin puughu pa burigiiŋ to yes mateegha ve lepoogh to tamtamon tileep matazi yaryaare. Tamtamon eta ighe ighur ilam tsiau ve imaat, ene mateegh irau ikisi mako. I aat iburig muul, ve ileep maata yaryaare le alok. Yo 1:4+; 1Kor 15:51+; 1Tes 4:16+

Yoan 11:40

Yesu isaav pani ighe: “Marta, matam iŋgal saveeŋ tsiau, ma mako? Yau nasaav payo wa. Isaav ighe ughur ila, ene aat ughita Maaron itotoi tapiri ve poia tooni ivot ighazooŋ.”

Rau Tau Paulus Iboode Pa Yes Roma Rom--Romans 4:17

Saveeŋa tiboode pataghaaŋ wa. Tighe: “Yau naghur ghom leso umin eval tiina to nugh nugh tamazi.” Gnp 17:4+ Aazne, saveeŋ tane ighur anooŋa pa iit tamtamon tau taghur ila to Krisi. Pasaa, Maaron ighit ghiit ighe iit tamin Abaram paaghu tooni. Abaram itotoi ghiit pa eez to ghuruuŋ ila. Pasaa, i ighur ila to Maaron ighe i irau ipaburigin yes mateegha. Ve ighur ila ighe Maaron isaav mon, ve gabua tau muuŋ tigheen mako na, tivot. Yo 5:21; Hib 11:3,19

Rau Tau Paulus Iboode Pa Yes Roma Rom--Romans 4:20

Ve loolo ruru pa saveeŋ mbuaaŋ to Maaron mako. Ghuruuŋ ila tooni iyaryaaŋ le iyaryaaŋ kat. Tauta itotoi Maaron eeza tiina ivot ighazooŋ.