Lukas 8:44 - Maaron Saveeŋ Tooni Patabuyaaŋ Tuam

⁴⁴ I itaghon Yesu ila ila le itut Yesu nonoghiiŋa tooni aavo ziige, ve rekia mon siŋ imot pani le tiini poia muul.

Mutu (Oov)

⁴⁴ Ye itaghon Yesu, ve indirndiir ila ila le ikis Yesu nonogiiŋa toni avo dige. Rikia moghon siŋ imot pani, ve tini poia muul.

Lukas 8:44 Iomraidhean Croise

Matayu 20:34

Yesu ighit zi le loolo isaghatin zi. Tauvene niima ila ikis matazi, ve rekia mon matazi poia gha tighita nugh. Ra yesuru paam titaghon Yesu ve yesŋa tila.

Matayu 8:3

Yesu niima ila ikisi, ve isaav pani ighe: “Poia. Yau aat nauul ghom. Leso uŋgalaaŋ ila Maaron maata. Aiyo, tinim poia!” I isaav tauvene, ve rekia mon kolekole ighau pa ŋeer tana le tiini poia.

Matayu 9:20

Tilaghlaagh tila, ve livaa ee itaghon zi paam. I, moroghooŋ to zilivaa ighamu irau ndaman saŋavul ve ru wa. Tauvene maata iŋgal ighe: “Isaav ighe natut nonoghiiŋa tooni rigta, ene aat moroghooŋ tsiau tane isov, ve tinig poia.” Tauta izuari ghi ila ila le itut Yesu nonoghiiŋa tooni maata.

Markus 6:56

Yesu ilaghlaagh irau nugh tintiina, nugh geegeu, ve taghon ziige ziige paam. Saawe tau i ila ivot nugh eta, mako tiyau moroghooŋa toozi tila maaran, ve titaŋ raraini tighe tikis nonoghiiŋa tooni ziige rigta mon, o poia. Ve tamtamon tisov tau tikisi na, Yesu tapiri igham zi tinizi popoia. Mt 9:20, 14:36; Mbaŋ 19:12

Lukas 13:13

Ra ighur niima izala paavo, ve rekia mon livaa tawe tiini poia gha iyooz duduuŋ, ve ipait Maaron eeza pa tapiri ve poia tooni.

Lukas 7:38

I ila ivot, ve iput ghi izi Yesu muuri igharau aaghe, ve itaŋtaŋ. I isaghav Yesu aaghe, ve maata suuru itaptap izala, ve imusmusu pa daaba raua. Ve igham ŋgoreeŋ tana gha iliŋi izala Yesu aaghe.

Lukas 8:43

Livaa ee ilaagh tomani zi paam. I, moroghooŋ to zilivaa ikisi irau ndaman saŋavul ve ru wa. I ipul maet tooni isov pa gholiiŋ yes uraata to gharatooŋ moroghooŋa. Eemon eta irau iuule mako.

Lukas 8:45

Tauvene Yesu ighason zi ighe: “Ai, sei itut ghau?” Yes tisov tiyol aliiŋa tighe: “Yei mako.” Ve Petrus isaav pani ighe: “Tiina, ughita. Ene eval tiina tilivut ghom ve tivagiriŋi zi. Tauta eta itut ghom.”

Yoan 5:13

Eemon ŋeer tana ikankaan pa sei tau igharaata gha tiini poia. Pasaa, Yesu ileep ta sewe muul mako. I ipas ghi ila eval tiina sosozi, gha ila wa.

Uraat To Yes Mbaŋooŋa 19:12

Isaav ighe tigham gabua rigta to Paulus imin uuli tooni to musuuŋ punita, ma uuli tooni siriv, ve tighuru izala yes moroghooŋa pavozi, ene rekia mon tinizi poia. Ve yes tau avuvu sasaghati tizevzeev zi na paam, avuvu sasaghati tipul zi, ve tighau tila. Mk 16:17+; Mbaŋ 5:15-16

Uraat To Yes Mbaŋooŋa 5:15

Gabua ŋgeretazi tau yes mbaŋooŋa tighamgham zi na, vaaru ilaan irau nugh nugh. Tauvene monmon tamtamon tibadbaad moroghooŋa toozi tilala, ve tighurghur zi ila eez ziige, ve tisasaŋan. Siriv tigheen izala boor, ve siriv tigheen izala moogh. Pasaa, tinumeer tighe saawe tau Petrus ilaagh iŋarui zi ilam, ve ighe yavyaava rigta izala pavozi, ene aat igham zi tinizi poia. Mt 9:21, 14:36; Mbaŋ 19:12