Lukas 8:14 - Maaron Saveeŋ Tooni Patabuyaaŋ Tuam

¹⁴ Ve uuv siriv tau timburur ila waar tuatua lolozi, ene izaa to tamtamon tau tilooŋ saveeŋ to Maaron, eemon pataŋani naol to taan lepoogha, tomania kuaz ve gabua popoia maata maata tau tamtamon lolozi ighaar pani na, ene ikau ŋgar toozi. Tauvene saveeŋ tau igheen ila lolozi na, ighur anooŋa poia eta ivot mako. Yes timin uuv ta itum izaa eemon anooŋa imatuugh mako. 1Tim 6:9+,17; 2Tim 4:10

Mutu (Oov)

¹⁴ Ve uuv pida to titaptap ila waar mata mata lolodi, nene iza to tamtoghon to tilooŋ Maaron aliŋa, eemoghon pataŋani naol to taan nepooŋa, toman mbaliiŋ ve mbeb popoiadi naol to tamtoghon lolodi igham pani, nene ighamun ŋgar todi. Tovenen saveeŋ to ineep ila lolodi, nene ighur anoŋa eta ivot maau. Yes tinimale uuv to itub iza, eemoghon anoŋa imatu maau. 1Tim 6:9+,17; 2Tim 4:10

Lukas 8:14 Iomraidhean Croise

Matayu 13:22

Ve uuv siriv tau timburur ila waar tuatua lolozi, ene izaa to tamtamon tau tilooŋ saveeŋ to Maaron. Eemon pataŋani naol to taan, tomania kuaz ve gabua popoia tau tamtamon lolozi ighaar pani na, ene ikau ŋgar toozi. Tauvene saveeŋ tau igheen ila lolozi na, ighur anooŋa poia eta ivot mako. 1Tim 6:9-10,17; 2Tim 4:10; Yems 1:27, 4:4

Markus 4:19

Eemon pataŋani naol to taan, tomania kuaz ve gabua popoia siriv tau tamtamon lolozi ighaar pani na, ene ikau ŋgar toozi. Tauvene saveeŋ tau igheen ila lolozi na, ighur anooŋa poia eta ivot mako. Mt 19:23+; Lu 12:15; 1Tim 6:9, 17; 1Yo 2:15+

Lukas 16:13

“Besooŋa eta irau ibees poi pa daaba ru mako. Pale ighur loolo pa ee, ve loolo isaghavu kat. Ve ite, ene pale ighur loolo pani geeg mako, ve maata veleghini. Tauvene yam irau abees poi pa Maaron tomania kuaz to taan ne mako.” Mt 6:24

Lukas 21:34

Yesu isaav muul ighe: “Matamim imomoos poi pa taumim ve amamaat ariaaŋ. Mako pale apul taumim pa ŋgar soroksorok, imin ghanghaniiŋ ve ghunghunuuŋ, ve agham ŋgar naol pa lepoghamim to taan. Mako itatan ghuruuŋ ila tsiam, ve saawe to Tamtamon Naatu imuul ilam, ene pale ipaperekin gham imin liis ikis gham. Ro 13:11+; 1Tes 5:2+; 2Pe 3:10-14; Syg 16:15

Lukas 8:13

Ve uuv siriv tau timburur izi nugh tau mboŋar tiina igheen siiŋa ve taan ŋgiira mon igheen izala paavo, ene izaa to tamtamon tau tilooŋ Maaron aliiŋa, ve tighamu toman lolozi poia kat. Eemon saveeŋ tawe igheen tuŋia ila lolozi mako. Yes timin aniiŋ tau waria izila taan loolo geeg mako. Tauvene tighur ila saawe tuuku mon, ve isaav ighe tovaaŋ eta ivot pazi, ene rekia mon titap ve tighur murizi pa Maaron.

Lukas 8:15

Ve uuv siriv tau titap tizala taan poia, ene izaa to yes tau ŋgar toozi poia ve lolozi eemon ila pa Maaron. Tauvene tilooŋ saveeŋ tooni, ve tikisi ariaaŋ ila lolozi, ve ghuruuŋ ila toozi ighurghur anooŋa popoia.” Hib 10:36; Yems 1:25

Lukas 8:7

Ve uuv siriv, timburur ila waar tuatua lolozi. Tauvene waar tawe titum tomania wit tizaa, ve tinduruv zi le timatmaat.

Yoan 15:6

Tamtamon tau ighe ipaak ilam tsiau mako, ene i imin ai booga gorgori tau timbutu, ve tisiki ila. Ai booga tauvene, ene pale murei tindou zi, ve tisik zi tisov tizala yav ighan zi. Mt 3:10+, 7:19

1 Timoti 6:17

Yes tau lezi kuaz ma gabua katini to taan na, avom iyaryaaŋ pazi ughe tipakur tauzi sov, ve tinumeer maet ve gabua toozi sov. Pa kuaz toozi tawe, gabua tauu mako. Igheen rigmon, ve isov. Yes irau tinumeer Maaron mon. Pasaa, i ta ighamgham gabua katini pait, leso taleep poi toman tintiniin. Mbo 62:10; Lu 12:15+

2 Timoti 4:10

Pasaa, gabua to taan tane irav Demas maata gha ipul ghau, ve ighau ila pa nugh Tesalonika wa. Ve Kresenes, i ila pa taan sirivu to Galesia, ve Titus paam ila pa taan sirivu to Dalmatia wa. Kol 4:14; 1Yo 2:15

Hibru 6:1

Saawe tau talooŋ saveeŋ to Krisi imin paaghu, tipaghazoŋai ghiit pa ŋgar raurauai imin maata. Ŋgar tauvene: Ŋgar tau pale igham ghiit tamaat gha talaleen na, iit aat tapuli ileple, ve tatoor ŋgar toit, ve taghur ila to Krisi. Ve tipaghazoŋai ghiit pa ŋgar maata maata to ghamuuŋ yaa, ve ŋgar to ghuruuŋ nimaan izala tamtamon pavozi imin palotiiŋ zi, ve burigiiŋ to yes mateegha. Ve tipaghazoŋai ghiit tighe Maaron pale igabiiz ghiit ve ighur atuya pait. Atuya tawe pale igheen le alok. Ŋgar tauvene ta tipaghazoŋai ghiit pani imin maata, ra tisavia ŋgar siriv. Ene poia. Eemon ighe tasasavia ŋgar tauvene mon, ene imin iit taghelia rir mon, ve tarau ruum anooŋa mako. Tauvene iit aat tazuari ghiit le taghazooŋ pa ŋgar siriv paam, leso ŋgar toit imatuugh pa Maaron saveeŋ tooni.