Lukas 8:1 - Maaron Saveeŋ Tooni Patabuyaaŋ Tuam

¹ Yesu ipaburigin laghooŋ tooni muul, ve ilaagh irau nugh tintiina ve geegeu, ve ivovotia vaaru poia pa pooz to Maaron. Mbiwa tooni saŋavul ve ru,

Mutu (Oov)

¹ Yesu ipamundigin laghooŋ toni muul, ve ilaagh irau ndug tintina ve geegeu, ve ivovotia varu poia pa pooz to Maaron. Taghoniiŋa toni saaŋgul ve ru,

Lukas 8:1 Iomraidhean Croise

Matayu 11:1

Yesu ipaduduuŋ mbiwa tooni saŋavul ve ru le isov, ra ipul nugh tawe, ve ila pa nugh tintiina siriv ta sewe, leso ivotia Maaron aliiŋa pazi, ve ipaghazoŋai zi pani.

Matayu 13:19

Uuv siriv tau timburur tizi eez, ene izaa to tamtamon tau tilooŋ saveeŋ pa pooz to nugh sambam, eemon ŋgar toozi ighazooŋ pani mako. Tauvene Ŋeer Saghati ila ve isan saveeŋ tawe ighau pa lolozi.

Matayu 4:23

Yesu ilaagh irau nugh nugh to Galilaia, ve ipaghazoŋai zi pa Maaron aliiŋa iloŋ ila rumei toozi. I ivovotia vaaru poia pa pooz to nugh sambam, ve ighagharaat zi pa moroghooŋ maata maata. Mt 9:35; Mk 1:39; Mbaŋ 10:38

Matayu 9:35

Yesu ilaghlaagh irau nugh tintiina ve geegeu, ve ivovotia vaaru poia pa tamtamon pa pooz to nugh sambam. I ipapaghazoŋai zi pa Maaron aliiŋa iloŋ ila rumei toozi, ve igharaat zi pa moroghooŋ maata maata paam le tisov tinizi poia.

Markus 1:39

Tauta Yesu ilaagh irau nugh nugh to Galilaia, ve ivovotia Maaron aliiŋa iloŋ ila rumei toozi, ve izirziir avuvu sasaghati gha tighaughau pa tamtamon.

Lukas 1:80

Yoan itum imin olman, ve Maaron Avuvu tapiri igheen tooni ve ipaloti. I ila ileep izi nugh ŋginaaŋa le irau saawe tau ipaburigin uraat tooni ila yes Israela matazi. Lu 2:40,52

Lukas 20:1

Saawe ee, Yesu ipaghazoŋai tamtamon pa Maaron aliiŋa ila Rumei Tiina naagho, ve ivotia vaaru poia pazi. Tauvene yes daaba to watooŋrau, tomania ŋgara siriv to tutuuŋ ve pooza siriv tilup zi ve tila tivot tooni,

Lukas 4:18

“Maaron Avuvu ileep tomani ghau. Pasaa, i ighur ghau to navotia vaaru poia pa yes mbolaaŋa. Ve imbaaŋ ghau nalam to nasaav pa yes tau tileep ila koiazŋa nimazi na tauvene: ‘Avot ala! Yam aleep ila koiamimŋa nimazi muul mako.’ Ve yes tau matazi kumkuuma na, Maaron ighe yau nasaav pazi tauvene: ‘Matamim pakia ve aghita nugh.’ Ve yes tau koiazŋa titatan zi ve tighurghur pataŋani pazi na, Maaron imbaaŋ ghau nalam to nagham mulin zi. Ve i ighe navotia saveeŋ pa tamtamon tauvene: Saawe to Ŋeer Tiina itotoi poia tooni ivot ighazooŋ, tauta ivot wa.” Is 61:1+; Yo 3:34; 2Kor 6:2

Lukas 9:6

Yesu isavsaav pazi le isov, ra tipuli, ve tila tilaagh irau nugh nugh, ve tivovotia vaaru poia pa tamtamon. Ve nugh sindei tau tila pani na, tigharaat moroghooŋa toozi paam.

Uraat To Yes Mbaŋooŋa 13:32

Yei nilam to nivotia vaaru poia tane payam: Maaron ipaburigin Yesu pa mateegh wa. Tauvene saveeŋ tau muuŋ i imbua tomania timbuunŋa na, tauta aazne anooŋa ivot pa iit tau paaghu toozi ne! Saveeŋa igheen ila mbouŋ to suŋuuŋ tau imin ru. Ighe: ‘Yau natug yo. Yo tamam ta yau. Aazne, yau naghur ghom pa uraat.’ Mbo 2:7; Mt 3:17; Hib 5:5

Rau Tau Paulus Iboode Pa Yes Roma Rom--Romans 10:15

Ve isaav ighe timbaaŋ yes uraata tila mako, pale tivotia mos pa tamtamon mindai? Pasaa, Maaron aliiŋa tau tiboode na, isaav ighe: “Tamtamon tighita yes tau tilaghovai vaaru poia ilam na, le igham zi lolozi poia.” Is 52:7; Ep 6:15