Lukas 7:38 - Maaron Saveeŋ Tooni Patabuyaaŋ Tuam

³⁸ I ila ivot, ve iput ghi izi Yesu muuri igharau aaghe, ve itaŋtaŋ. I isaghav Yesu aaghe, ve maata suuru itaptap izala, ve imusmusu pa daaba raua. Ve igham ŋgoreeŋ tana gha iliŋi izala Yesu aaghe.

Mutu (Oov)

³⁸ Ye ila ivot, ve iput tau izi Yesu muri igharau aghe, ve itaŋtaŋ. Ye ikorkor Yesu aghe, ve mata suru itaptap izala, ve imusmusi pa daba rau. Ve igham ŋgoreeŋ tonowen, ve iliŋi izala Yesu aghe.

Lukas 7:38 Iomraidhean Croise

Matayu 5:4

Yes tau lolozi ipataŋan ve titaŋ, ene yes paam aat tintinizi pa poia to Maaron tau izaa toozi. Pasaa, i pale irav atezi, ve igham zi lolozi poia. Is 61:2+; Yo 16:20; Syg 7:17

Lukas 22:62

Tauvene Petrus iburig ivot ila muuri, ve itaŋ tiina toman loolo isaghat kat.

Lukas 6:21

Yam tau aazne pitool gham na, tintinmim pa poia to Maaron tau izaa tsiam. Pasaa, gabua tau ambool pani na, Maaron pale igham payam le irau lolomim. Yam tau lolomim ipataŋan ve ataŋ na, tintinmim pa poia to Maaron tau izaa tsiam. Pa murei, yam pale lolomim poia kat ve aŋiŋ. Mbo 126:5+; Is 55:1+; Syg 7:16+

Lukas 7:37

Livaa ee to nugh tawe, i livaa to ghamuuŋ sosor. I ilooŋ tighe Yesu ilepleep ila ruum to ŋeer tutuuŋa tana pa ghanghaniiŋ. Tauvene rekia mon igham ŋgoreeŋ, ve ila ighe ighita Yesu. Ŋgoreeŋ tawe, vaazi poia ve atuya tiina, ve igheen ila paatu paghuuna loolo.

Lukas 7:39

Ŋeer tutuuŋa tau isain Yesu pa ghanghaniiŋ na, ighita ŋgar tau livaa tana ighamu, ve igham ŋgar ila loolo ighe: “Wai, isaav ighe onoon ŋeer tane propet tauu to Maaron, kanaŋ ighilaal ighe livaa tau ikiskisi ne, i livaa to sosor.”

Yakobus 4:9

Aŋiŋ ve tintinmim muul sov. Aghilaal sosor tsiam, lolomim ipataŋan pani, ve ataŋ tiina pa taumim. Mt 5:4