Lukas 7:27 - Maaron Saveeŋ Tooni Patabuyaaŋ Tuam

²⁷ I ŋeer ta muuŋ tibood saveeŋ iŋaruini tauvene: ‘Ulooŋ. Yau pale nambaaŋ besooŋa tsiau ee imuuŋ payo. I pale ivotia aliŋag pa tamtamon, ve igharaat eez payo.’ Mal 3:1; Mk 1:2

Mutu (Oov)

²⁷ Ye ŋgeu to muuŋ timbood saveeŋa ila rau patabuaŋ. Isaav tovene: ‘Ulooŋ. You pale nambaaŋ mbesooŋa tiou eez imuuŋ payom. Ye pale ivotia aliŋag pa tamtoghon, ve igharaat ataam payom.’ Mal 3:1; Mk 1:2

Lukas 7:27 Iomraidhean Croise

Matayu 11:10

I ŋeer tau muuŋ tibood saveeŋ iŋaruini tighe: ‘Ulooŋ. Yau pale nambaaŋ besooŋa tsiau ee imuuŋ payo. I pale ivotia aliŋag pa tamtamon, ve igharaat eez payo.’ Mal 3:1; Mk 1:2

Lukas 1:76

Ra Sakaria isaav pa naatu ighe: “Natug, yo pale tiwaat ghom tighe propet to Maaron Tiina Tau Iliiv Zimaronŋa Tisov. Pasaa, yo pale umuuŋ pa Ŋeer Tiina, ve ugharaat eez pani. Is 40:3; Mal 3:1; Mt 3:3, 11:9

Lukas 7:26

Tauvene yam ala aghe aghita saa kat ta sewe? Yam aat ala to aghita propet to Maaron, ne? Ve ene onoon. Yoan, i propet ee. Eemon yau nasaav payam: Yoan, i propet mon mako. I igham uraat siriv paam tau iliiv yes propet.

Lukas 7:28

Yau nasaav payam: Tamtamon tisov tau tinazŋa tipoop zi izi taan ne, eta eeza iliiv Yoan mako. Eemon isaav ighe ŋeer sorok eta ileep ila pooz to Maaron loolo ve ighita anooŋa tooni, ene pale ighit katin poia to Maaron le iliiv Yoan.”

Yoan 1:23

Tauvene Yoan isaav pazi ighe: “Yau ŋeer tau muuŋ propet Isaia isavia na ighe: Ŋeer ee iboboob izi nugh ŋginaaŋa ighe: ‘Apaduduŋai eez pa Ŋeer Tiina le iduduuŋ.’ ” Is 40:3