Lukas 6:3 - Maaron Saveeŋ Tooni Patabuyaaŋ Tuam

³ Yesu iyol aliŋazi ighe: “Sinaiŋ muŋgaana tau isavia saawe tau kinik David yesŋa zeetŋa siriv pitool zi na, yam awaato, ma mako?

Mutu (Oov)

³ Yesu ipamuul aliŋadi ighaze: “Kamos to isavia sawa to kinik David yesŋa ndita pida pitool di, yam awaata, ma maau?

Lukas 6:3 Iomraidhean Croise

Matayu 19:4

Yesu iyol ghasoniiŋ toozi ighe: “Yam awaat saveeŋ to Maaron, ma mako? Saveeŋ tooni isaav tauvene: Indeeŋ saawe imin maata kat tau Maaron ighur sambam ve taan, i ighur tamtamon. Ighur tamoot ve livaa. Gnp 1:27, 5:2

Matayu 21:16

Tauvene tisaav pa Yesu tighe: “Ai, saveeŋ tau tibobaini we, yo ulooŋa, ma mako?” Yesu iyol aliŋazi ighe: “Vee, yau nalooŋa wa. Ve mindai, yam awaat saveeŋ to Maaron rigta, ma mako? Pa saveeŋ tooni ziiri ee isaav tauvene: ‘Maaron, yo ughur geegeu to tipait yo ezam! Yes tau zolman rig, ve yes tau tighunghun tuz na paam!’ ” Mbo 8:2

Matayu 21:42

Ra Yesu isaav pazi muul ighe: “Maaron aliiŋa ziiri ee tau tiboode na, yam awaato rigta, ma mako? Saveeŋ tawe isaav ighe: ‘Maet tau yes to raoŋ ruum matazi veleghini ve tisiki ilale, tauta imin puughu pa ruum iyooz ve ipaloti. Leso ruum iyooz ariaaŋ izala paavo. Maaron tauu igham ŋgar tane ivot. Ve yei nighita imin gabua ŋgereeta ee ila matamai.’ ” Mbo 118:22+; Mbaŋ 4:11

Matayu 22:31

Aiyo, yau naghe naghason gham pa burigiiŋ to yes mateegha. Mindai, Maaron aliiŋa ziiri ee isaav payam ighe: ‘Yau Maaron to Abaram, Maaron to Isak, ve Maaron to Yakop.’ Igham 3:6 “Yam awaat saveeŋ tawe, ma mako? Maaron, i Maaron to yes mateegha mako. I Maaron to yes tau tileep matazi yaryaare.” Mbaŋ 7:32; Hib 11:16

Matayu 4:2

Yesu ilepleep ta sewe, ve iŋgun tauu pa ghaniiŋ aniiŋ le irau mboŋ tamoot ru. Saawe tana, i ighan aniiŋ eta mako, le pitoola kat. Igham 34:28

Markus 12:10

Ra Yesu isaav pazi muul ighe: “Maaron aliiŋa ziiri ee tau tiboode na, yam awaato, ma mako? Saveeŋ tawe isaav ighe: ‘Maet tau yes to raoŋ ruum matazi veleghini, ve tisiki ilale, tauta imin puughu pa ruum iyooz ve ipaloti. Leso ruum iyooz ariaaŋ izala paavo.

Markus 12:26

Aiyo, yau naghe naghason gham pa burigiiŋ to yes mateegha. Mindai, saveeŋ ziiri ee tau Mose iboode na, isavia saawe tau Maaron ivot tooni imin yav ighanghan ila ai marani. Yam awaat saveeŋ tawe, ma mako? Saawe tana, Maaron isaav pani ighe: ‘Yau Maaron to Abaram, Maaron to Isak, ve Maaron to Yakop.’ Igham 3:6; Mbaŋ 7:32; Hib 11:16 “Maaron, i Maaron to yes mateegha mako. I Maaron to yes tau tileep matazi yaryaare. Tauvene ŋgar tsiam isapir kat.”