Lukas 6:14 - Maaron Saveeŋ Tooni Patabuyaaŋ Tuam

¹⁴ Zeran saŋavul ve ru tawe, ezazi tauvene: Simon (i, Yesu iwaat eeza ite ighe Petrus) yesuru taazi Andreas, Yakobus gha Yoan, Pilip, Patoromai,

Mutu (Oov)

¹⁴ Ndiran saaŋgul ve ru tonowen, izadi tovene: Simon (ye, Yesu iwaat iza ite ighaze Petrus) yesuru tazi Andreas, Yakobus ve Yoan, Pilip, Patoromai,

Lukas 6:14 Iomraidhean Croise

Matayu 10:2

Mbaŋooŋa tooni saŋavul ve ru tawe, ezazi tauvene: Ŋeer tau imuuŋ pazi, ene Simon tau tiwaat eeza ite tighe Petrus, yesuru taazi Andreas, Zebedi natŋa ru, Yakobus yesuru taazi Yoan,

Matayu 10:3

Pilip gha Patoromai, Tomas gha Matayu tau ŋeer to yauŋ takes na, Yakobus ite tau Alpai naatu na yesuru Tadeus,

Matayu 4:18

Saawe ee, Yesu ilaghlaagh taghon nari to yaa naliu Galilaia, ve ighita zeran ru to ghamuuŋ iigh tiwaswaas. Ee, eeza Simon (tau eeza ite Petrus). Ve ite eeza Andreas. I Simon taazi.

Matayu 4:21

Tilaagh tila rig, ve Yesu ighita Zebedi natŋa ru, Yakobus gha Yoan, yesŋa tamazi tilepleep izala waaŋ, ve tiyaim puugh toozi. Yesu isaav ila pazi ighe tilam titaghoni.

Markus 1:19

Tilaghlaagh tila rig, ve Yesu ighita Zebedi natŋa ru, Yakobus ve Yoan, tilepleep izala waaŋ ve tiyaim puugh toozi.

Markus 1:29

Yesu ipul rumei tana, ve yesŋa Yakobus gha Yoan malmalizi tila pa Petrus yesuru Andreas ruum toozi. Tiloŋ tila ruum loolo, ve tipaes pa Yesu tighe Simon rauliva imorooŋ le tiini iyes gha ighengheen we.

Markus 14:33

Ra igham Petrus, Yakobus, ve Yoan gha yesŋa tila soghan rig. Saawe tana, Yesu loolo ipataŋan le ipataŋan kat, ve igham ŋgar naol pa pataŋani tau pale ivot pani.

Markus 3:16

Zeran saŋavul ve ru tawe, ezazi tauvene: Simon (i, Yesu iwaat eeza ite ighe Petrus),

Markus 5:37

Ra iŋgalsekin eval tiina ighe tila tomania sov. Ve igham Petrus, Yakobus, ve taazi Yoan, gha yes mon tila.

Markus 9:2

Mboŋ liim ve ee ilam ila, ra Yesu igham Petrus, Yakobus, ve Yoan, gha yes paaŋ tizala loloz ee tau daaba izala kat. Leso zigazi tileep. Tilepleep ta sewe, ve Yesu tiini itoora ila yes tol matazi.

Lukas 5:8

Simon Petrus ighita gabua tana, le itap izi Yesu aaghe puughu, ve isaav pani ighe: “Tiina, upul ghau ve ula! Pa yau ŋeer to ghamuuŋ sosor.” Is 6:5

Lukas 6:13

Ra ipoi yes tau titaghoni na tilam tilup zi, ve ighur tamtamon toozi saŋavul ve ru timin mbaŋooŋa tooni.

Lukas 6:15

Matayu, Tomas, Yakobus ite tau Alpai naatu na, Simon ite tau tiwaato tighe Selot,

Yoan 1:45

Ra Pilip ila iil iitete Natanael le indeeŋa, ve isaav pani ighe: “Ulooŋ. Ŋeer tau muuŋ Mose ibood saveeŋa ila tutuuŋ tooni, ve propet siriv tibood saveeŋ izaa tooni paam, tauta aazne nighita wa! I eeza Yesu. I ŋeer to nugh Nasaret, ve taama eeza Yosep.” Mt 2:23

Yoan 14:8

Tauvene Pilip isaav pani ighe: “Tiina, utotoi Tamam tana payei, o nighazooŋ pani ve atemai izi.”

Yoan 6:5

Yesu mboole izi gha ilepleep, ve maata ila le ighita eval tiina tikeet ŋaruini tilam. Tauvene ighason Pilip ighe: “Pale taghol aniiŋ sindei ve tapan eval tiina tane?”

Yoan 6:8

Ra mbiwa tooni ite, Andreas, i Simon Petrus taazi, isaav pa Yesu ighe:

Uraat To Yes Mbaŋooŋa 1:13

Yes tilaagh tila tivot Yerusalem, ve malmalizi tizala pa niazi to lepoogh tau igheen ruum loolo saaŋa na. Zeran tawe, ene Petrus yesuru Yoan, Yakobus, Andreas, Pilip gha Tomas, Patoromai gha Matayu, ve Yakobus ite tau Alapai naatu na, ve Simon (i to yes Selot) ve Yudas tau Yakobus naatu na. Saawe isov, yesŋa Yesu tiina Maria tomania tazŋa ve zilivaa siriv, lolozi eemon ve tiluplup zi pa suŋuuŋ.

Uraat To Yes Mbaŋooŋa 12:2

Ve isaav gha tigham Yakobus tau Yoan toogha na, ve tirav motin luua pa mbuzaagh gha imaat. Mt 4:21, 20:22+

2 Petrus 1:1

Yau Simon Petrus, besooŋa ve mbaŋooŋa to Yesu Krisi. Nabood rau tane ilat pa yam tamtamon tau aghur ila to Yesu Krisi, i Maaron toit ve Uleeŋa toit. I itaghon ŋgar tooni duduuŋa ve saveeŋ mbuaaŋ tooni, tauta igham gham aghur ila tooni, ve aazne lemim ghuruuŋ ila tauu ta poia ve raraate imin yei tsiei.