Lukas 4:8 - Maaron Saveeŋ Tooni Patabuyaaŋ Tuam

⁸ Eemon Yesu iyol aliiŋa ighe: “Maaron aliiŋa ziiri ite tau tiboode na isaav tauvene: ‘Uput aghem pa Tiina tsio Maaron mon, ve ubees pa i zigani.’ ” Lo 6:13, 10:20

Mutu (Oov)

⁸ Eemoghon Yesu ipamuul aliŋa ighaze: “Maaron aliŋa waaro ite to timbooda, isaav tovene: ‘Uput aghem pa Tiina tiom Maaron moghon, ve umbees pa ye eŋgeni.’ ” Lo 6:13, 10:20

Lukas 4:8 Iomraidhean Croise

Matayu 16:23

Eemon Yesu itoor ghi, ve isaav pa Petrus ighe: “Sadan, ughau ula pa murig! Upoon ghau pa eez tau Maaron ighuru payau ne sov. Ŋgar tsio itaghon Maaron ŋgar tooni mako. Yo utaghon ŋgar to tamtamon mon.” Mt 4:10

Matayu 4:10

Eemon Yesu iziire ighe: “Sadan, yo ughau ula! Pa Maaron aliiŋa tau tiboode na isaav tauvene: ‘Uput aghem pa Tiina tsio Maaron mon, ve ubees pa i zigani.’ ” Lo 6:13; Mt 16:23

Lukas 4:4

Eemon Yesu iyol aliiŋa ighe: “Maaron aliiŋa tau tiboode na isaav tauvene: ‘Aniiŋ mon irau igham tamtamon tileep poi ne mako.’ ” Lo 8:3; Is 55:1-2

Yakobus 4:7

Tauvene atatan taumim ve aleep ila Maaron saamba, ve aparav ariaaŋ tomania Ŋeer Saghati. Leso ighau payam. Ep 4:27, 6:11+; 1Pe 5:8+

1 Petrus 5:9

Tauvene akis ghuruuŋ ila tsiam tuŋia, ve aparav ariaaŋ, leso atatani. Pa yam awatagh: Toŋvetaz tsiam to Krisi tau tileep irau nugh nugh na, tibadbaad pataŋani raraate imin yam. Ep 4:27, 6:11+; 1Tes 5:6; Yems 4:7

Saveeŋ Yoŋgaaŋ 19:10

I isaav tauvene, ve natap nazi aaghe puughu naghe napakuru. Eemon i iŋgalsekin ghau ighe: “Wai, ugham vene sov! Yau besooŋa to Maaron imin yo ve yes toŋvetaz tsio tau yamŋa akis saveeŋ onoon to Yesu ariaaŋ, ve apariaaŋ tamtamon to tighur ila tooni. Tauvene uput aghem ve upakur Maaron mon. Pa uraat tauu to yes propet, ene tauvene: Yes tipariaaŋ tamtamon, leso tighur ila to Yesu.”

Saveeŋ Yoŋgaaŋ 22:9

Eemon i iŋgalsekin ghau ighe: “Wai, ugham vene sov! Yau besooŋa to Maaron imin yo, tomania toŋvetaz tsio tau timin propet to Maaron na, ve tamtamon tisov tau matazi kisin saveeŋ tau igheen ila rau tana ve titaghoni. Tauvene upakur ghau sov. Yo aat uput aghem pa Maaron ve upakuru.” Syg 19:10