Lukas 4:4 - Maaron Saveeŋ Tooni Patabuyaaŋ Tuam

⁴ Eemon Yesu iyol aliiŋa ighe: “Maaron aliiŋa tau tiboode na isaav tauvene: ‘Aniiŋ mon irau igham tamtamon tileep poi ne mako.’ ” Lo 8:3; Is 55:1-2

Mutu (Oov)

⁴ Eemoghon Yesu ipamuul aliŋa ighaze: “Maaron aliŋa to timbooda, isaav tovene: ‘Aniiŋ moghon irau igham tamtoghon tineep pooi ne maau.’ ” Lo 8:3; Is 55:1-2

Lukas 4:4 Iomraidhean Croise

Matayu 4:4

Eemon Yesu iyol aliiŋa ighe: “Maaron aliiŋa tau tiboode na isaav tauvene: ‘Aniiŋ mon irau igham tamtamon tileep poi ne mako. Saveeŋ isov tau ivot ila Maaron aavo, tauta igham zi tileep poia.’ ” Lo 8:3; Is 55:1-2

Matayu 6:31

“Tauvene lolomim bubu ve aghe: ‘Wai, lemai yaa to ghunuuŋ ve aniiŋ to ghaniiŋ sindei? Ve lemai nonoghiiŋa sindei to ninonogh ghei pani?’ Agham vene sov.

Lukas 22:35

Ra Yesu ighason mbiwa tooni ighe: “Laak, muuŋ saawe tau nambaaŋ gham ala pa uraat na, yau nasaav payam naghe: Yam alaagh tomania lugluug, pepeel, ma zuzuuŋa to aghemim sov. Ve mindai? Saawe tana, yam ambool pa gabua eta?” Yes tiyol aliiŋa tighe: “Mako. Yei nimbool pa gabua eta mako.” Mt 10:9; Lu 9:3

Lukas 4:10

Pa Maaron aliiŋa tau tiboode na isaav ighe: ‘I pale imbaaŋ aŋela tooni to tiŋgin ghom. Yes pale tikis ghom, ve tipalot ghom. Leso maet ikaria aghem sov.’ ” Mbo 91:11+

Lukas 4:3

Ra Ŋeer Saghati isaav pani ighe: “Laak, isaav ighe yo Maaron Naatu, na usaav pa maet tane, ve imin lem aniiŋ.”

Lukas 4:8

Eemon Yesu iyol aliiŋa ighe: “Maaron aliiŋa ziiri ite tau tiboode na isaav tauvene: ‘Uput aghem pa Tiina tsio Maaron mon, ve ubees pa i zigani.’ ” Lo 6:13, 10:20

Epesus 6:17

Ve uraat to Yesu Krisi tau igham mulin ghiit na, aghamu imin lemim. Pa ene imin hat ariaaŋa to ipoon dabamim pa zaab. Ve saveeŋ to Maaron tau Avuvu Patabuyaaŋ igham pait na, yam akisi imin lemim mbuzaagh. 1Tes 5:8; Hib 4:12; Syg 19:15