Lukas 4:14 - Maaron Saveeŋ Tooni Patabuyaaŋ Tuam

¹⁴ Yesu imuul ila pa Galilaia ve Avuvu Patabuyaaŋ tapiri tiina igheen tooni. Tauvene vaaru ilaan irau taan sirivu tawe.

Mutu (Oov)

¹⁴ Yesu imuul ila pa Galilaia, ve Avuvu Patabuaŋ tapiri tiina ineep toni. Tovenen varu ilaan irau taan suruvu tonowen.

Lukas 4:14 Iomraidhean Croise

Matayu 4:12

Yesu ilooŋ Yoan vaaru tighe Erod ighuru iloŋ ila ruum to yavyavuuŋ, tauvene imuul ila pa taan sirivu to Galilaia. Lu 3:19+

Matayu 9:26

Murei, gabua tana vaaru ilaan irau taan sirivu tawe.

Matayu 9:31

Eemon mako. Saawe tau tipuli ve tila, yesuru tipaesia gabua tana vaaru le irau taan sirivu tawe isov.

Markus 1:14

Yoan ighamgham uraat tooni, le tikisi ve tighuru iloŋ ila ruum to yavyavuuŋ. Ra Yesu ila ivot taan sirivu to Galilaia muul, ve ipaburigin uraat tooni to votiaaŋ vaaru poia to Maaron.

Markus 1:28

Puughu tane ta Yesu vaaru ilaan rekia mon le irau taan sirivu to Galilaia.

Lukas 4:13

Tauvene Sadan itoov Yesu pa eez maata maata le mako, ra ipuli, ve ila isaŋan pa saawe ite paam. Hib 2:18, 4:15

Lukas 4:37

Puughu tane ta Yesu vaaru ilaan irau nugh tisov to taan sirivu tawe.

Yoan 4:43

Yesu yesŋa yes Samaria tileep mboŋ ru isov, ra iburig muul gha ila pa Galilaia.

Uraat To Yes Mbaŋooŋa 10:37

“Uraat tiina tau ivot irau taan isov to yei Israela na, yam aat alooŋ vaaru rigta wa. Saawe tau ŋeer rughuzaaŋa Yoan ivovotia saveeŋ pa tamtamon ighe tigham yaa, Yesu to Nasaret ipaburigin uraat tooni izi Galilaia. I, Maaron ileep tomania. I ighuru pa uraat tooni, ve izeeva pa Avuvu Patabuyaaŋ, ve igham le tapiri tiina. Tauta Yesu ilaagh irau nugh naol, ve igham uraat popoia, ve igharaat tamtamon tisov tau Ŋeer Saghati ivaghamun zi na. Is 61:1