Lukas 3:23 - Maaron Saveeŋ Tooni Patabuyaaŋ Tuam

²³ Yesu ndaman tooni irau tamoot ee saŋavul (30), ve i ipaburigin uraat tooni. Tamtamon tigham ŋgar tighe i Yosep naatu. Yosep tane, i Eli naatu. Lu 4:22; Yo 6:42

Mutu (Oov)

²³ Yesu ndaman toni irau tamoot ee saaŋgul (30), ve ye ipamundigin uraat toni. Tamtoghon tigham ŋgar tighaze ye Yosep natu. Yosep tonene, ye Eli natu. Lu 4:22; Yo 6:42

Lukas 3:23 Iomraidhean Croise

Matayu 1:1

Ene pitiiŋ to Yesu Krisi puughu tooni. Yesu, i siŋ to kinik David, ve David i siŋ to Abaram. Gnp 22:18

Matayu 1:16

Yakop naatu Yosep. Yosep azaawa Maria ta ipoop Yesu, i ta tiwaato tighe Krisi na.

Matayu 1:6

ve Yesi naatu, ene kinik David. David ivai Uraia azaawa Batseba, ve yesuru tipoop Solomon. 2Sam 12:24

Matayu 13:55

Mindai, i to nugh ite, ta iit takankaan pani ne? Taama, i ŋeer to raoŋ ruum. Tiina Maria. Ve tazŋa, ene Yakobus, Yosep, Simon, ve Yudas. Yo 6:42

Matayu 4:17

Saawe tana, Yesu ipaburigin uraat tooni to votiaaŋ vaaru poia. I isavsaav pa tamtamon ighe: “Apul ŋgar tsiam sasaghati ileple, ve atoor ŋgar tsiam imuul ila pa Maaron! Pa saawe to pooz to nugh sambam ivot ighazooŋ, ene ilam igharau wa!” Mt 3:2

Markus 6:3

Mindai, i to nugh ite, ta iit takankaan pani ne? I ŋeer to raoŋ ruum. Maria naatu. Ve tazŋa, ene Yakobus, Yoses, Yudas, ve Simon. Ve livŋa tisov, ta tilepleep tomani ghiit ne.” Tauvene matazi veleghini, ve lolozi pa tighur ila tooni mako. Yo 6:42

Lukas 2:48

Taama gha tiina tighita le tirur. Ve tiina ila isaav pani ighe: “Wai natug, mindai ta yo ugham ŋgar tauvene payei? Yeiru tamam atemai iparav payo kat, ve nikaria ilooŋ ghom.”

Lukas 3:31

Eliakim, i Melea naatu. Melea, i Mena naatu. Mena, i Matata naatu. Matata, i Natan naatu. Natan, i David naatu.

Lukas 4:22

Tamtamon tisov tau tilooŋ saveeŋ tooni na, tirur pa saveeŋ popoia tau ivot ila aavo na, ve tipaiti. Eemon tighe: “Wai, ŋeer tane, Yosep naatu. Mindai ta i irau isavia saveeŋ tauvene?” Mk 1:22; Yo 6:42, 7:15

Yoan 1:45

Ra Pilip ila iil iitete Natanael le indeeŋa, ve isaav pani ighe: “Ulooŋ. Ŋeer tau muuŋ Mose ibood saveeŋa ila tutuuŋ tooni, ve propet siriv tibood saveeŋ izaa tooni paam, tauta aazne nighita wa! I eeza Yesu. I ŋeer to nugh Nasaret, ve taama eeza Yosep.” Mt 2:23

Yoan 6:42

Ve tiveleghi tighe: “Ŋeer tane, i Yosep naatu Yesu. Iit tawatagh taama gha tiina. Mindai ta aazne isaav ighe i ipul sambam ve izilam?” Mt 13:54+; Yo 7:27+

Uraat To Yes Mbaŋooŋa 1:1

O Teopilus, uraat naol tau Yesu ighamu imin maata, tomania saveeŋ isov tau i ipaduduuŋ tamtamon pani, tauta igheen ila rau tau naboode ilat payo imin maata na. Saveeŋ tomania uraat tooni tawe ilam ilam le Maaron ighamu imuul izala pa sambam. Yesu imaat ve iburig muul, ve mboŋ tamoot ru tau itaghoni na, i ila ivotvot to yes mbaŋooŋa tooni tau i tauu isiigh zi timin le na, ve itotoi tauu pazi ila eez maata maata. Leso tiwatagh kat tighe i iburig pa mateegh, ve ileep maata yaryaare. Saawe tana, ila uraat to Avuvu Patabuyaaŋ, i ipaghazoŋai ŋgar toozi pa tutuuŋ tooni siriv. Ve isavsaav pazi pa pooz to Maaron. Lu 1:1+, 9:51, 24:13+; Yo 20:19+; 1Kor 15:5+