Lukas 24:39 - Maaron Saveeŋ Tooni Patabuyaaŋ Tuam

^39-40 Aghita nimag ve agheg. Ene yau taug tane. Alam akis ghau ve aghita. Mariaam le miiza ve tuua imin yau? Mako.” I isavsaav pazi, ve itotoi niima ve aaghe pazi. 1Yo 1:1

Mutu (Oov)

^39-40 Aghita nimag ve agheg. Nene you taug tonene. Anim akis ghou ve aghita. Mariaam eta le minda ve tua inimale you? Maau.” Ye isavsaav padi, ve ipatooŋ nima ve aghe padi. 1Yo 1:1

Lukas 24:39 Iomraidhean Croise

Lukas 23:46

Ve Yesu iboob aliiŋa tiina ighe: “Tamaŋ, ene naghur taug ila yo nimam.” Isaav tauvene le isov, ve iyavaghan gha imaat. Mbo 31:5; Mbaŋ 7:59; 1Pe 2:23

Lukas 24:38

Eemon Yesu isaav pazi muul ighe: “Wai, puughu mindai ta yam aroi ve lolomim ruru payau, ve ŋgar tsiam imin naol?

Yoan 20:20

Ra itotoi niima ve raŋraaŋo saamba pazi. Yes tighita Tiina toozi, ve lolozi poia le poia kat.

Yoan 20:25

Tauvene murei, ra tipaes pani tighe: “Yei nighita Tiina toit wa!” Eemon Tomas iyol aliŋazi ighe: “Ah, isaav ighe taug matag naghita kiruuŋ niia tau igheen ila niima na, ve nazeev nimag ŋguruuŋa itaghon kiruuŋ niia tawe, ve nazeev nimag iloŋ ila iiz niia ta raŋraaŋo saamba na, ene aat naghur ila. Ve ighe mako, ene irau naghur ila saveeŋ tsiam tana mako!”

Yoan 20:27

Ra isaav pa Tomas ighe: “Ulam ugharau, ve ughita nimag, uzeev nimam ŋguruuŋa itaghon kiruuŋ niia, ve uzeev nimam iloŋ ila iiz niia tau igheen raŋraŋog saamba ne. Yo lolom ruru irao! Ughur ila!”

1 Tesalonika 5:23

Maaron toit, i ŋgar luuma puughu, ve iŋgin ghiit taleep poia irau saawe. I tauu aat igham gham ataghon ŋgar patabuyaaŋ mon. Ve iŋgin anunumim, lolomim ve ŋgar tsiam, tomania anoŋamim, ve igham gham ataghon ŋgar poia mon le irau muleeŋ to Tiina toit Yesu Krisi. Leso lemim sosor eta ila i maata sov. Ro 15:33; 1Kor 1:8+; 1Tes 3:13; 2Tes 3:16

Hibru 12:9

Ve gabua ite paam. Iit tawatagh: Tamaanŋa to taan tiloslos ghiit, leso tipaduduuŋ ghiit. Ve saawe tau tigham tauvene, iit taroron pazi ve taneneeŋ mon. Ighe tauvene, mindai pa Tamaan Maaron tau iŋgin anunuun na? Pasaa, i iliiv tamaanŋa to taan. Tauvene isaav ighe i ighur pataŋani eta pait to ipaduduuŋ ghiit, na tapul tauun ila i niima, ve tabaado mon. Leso murei, tagham lepoogh poia.

1 Yoan 1:1

Yei nivovotia saveeŋ maata yaryaare pa ŋeer tau ipaghazoŋai ghiit pa saveeŋ ve ŋgar to Maaron, ve imin eez pait to tagham lepoogh poia. Muuŋ geeg, saawe tau gabua eta ivot soone ve ilam, ŋeer tawe ilepleep. Ve i izilam ileep tomani ghei, ve nilooŋ saveeŋ tooni ila i tauu aavo, nighita pa matamai, ve nikisi pa nimamai. Tauta nighilaalo kat. Lu 1:2; Yo 1:1+,14, 20:27; 2Pe 1:16