Lukas 24:27 - Maaron Saveeŋ Tooni Patabuyaaŋ Tuam

²⁷ Ra Yesu ipaghazoŋai zi pa Maaron aliiŋa isov tau tiboode izaa tooni na. Ipaburigin saveeŋ tooni pa saveeŋ to Mose, ve itaghon ila ila le ipasovu ila saveeŋ isov to yes propet. Gnp 3:15; Lo 18:15; Mbo 22

Mutu (Oov)

²⁷ Ghoro Yesu ipaghazoŋan di pa Maaron aliŋa isob to timbooda iza toni. Ipamundigin saveeŋ toni pa saveeŋ to Mose, ve itaghoni inim le ipasobi ila saveeŋ isob to yes propeta. Mbnp 3:15; Lo 18:15; Mbo 22

Lukas 24:27 Iomraidhean Croise

Markus 4:34

Tauvene saawe isov tau i ivotia mos pa eval tiina, isavsaav ila saveeŋ palelaaŋ mon. Eemon saawe tau yesŋa mbiwa tooni mon tileep, i ipaghazoŋai saveeŋ isov puughu leso ighazooŋ pazi.

Lukas 24:25

Ra Yesu isaav pazi ighe: “Wai, yam lemim ŋgar mako! Maaron aliiŋa isov tau yes propet tivotia na, puughu mindai ta yam aghur ila mako?

Lukas 24:44

Ra Yesu isaav pazi ighe: “Matamim iŋgal aliŋag tau muuŋ itiŋa talepleep ve nasavia payam na: Saveeŋ isov tau tiboode izaa tsiau na, ene aat ighur anooŋa ivot itaghon Maaron ŋgar tooni. Saveeŋ tau igheen ila Mose tutuuŋ tooni, saveeŋ to yes propet, ve saveeŋ tau igheen ila mbouŋ to iit Israela na paam.” Mbo 2, 16, 22, 69, 72, 110, 118

Yoan 1:45

Ra Pilip ila iil iitete Natanael le indeeŋa, ve isaav pani ighe: “Ulooŋ. Ŋeer tau muuŋ Mose ibood saveeŋa ila tutuuŋ tooni, ve propet siriv tibood saveeŋ izaa tooni paam, tauta aazne nighita wa! I eeza Yesu. I ŋeer to nugh Nasaret, ve taama eeza Yosep.” Mt 2:23

Yoan 12:41

Isaia isavia saveeŋ tane pasaa, muuŋ i ighita Yesu tapiri ve poia tooni tomania uraat tiina tau murei pale ighamu na ila tandaghiiŋ. Tauta ighilaal ighe Yesu eeza tiina. Is 6:9+, 52:13-53:12

Yoan 5:37

“Tauvene Tamaŋ Maaron tau imbaaŋ ghau nalam ne, i ipariaaŋ saveeŋ tsiau wa. Eemon muuŋ ve ilam, yam alooŋ aliiŋa rigta mako, ve aghita naagho pai eta soone.

Yoan 5:39

Yam anumeer aghe Maaron saveeŋ tooni pale itotoi gham pa eez to aleep matamim yaryaare le alok. Tauta monmon awatwaat saveeŋ tooni, ve azuari gham aghe le awatagh katin puughu. Ve mos ziiri ta naol ne tipariaaŋ saveeŋ tsiau. Lu 24:44; Mbaŋ 13:27; Ro 1:2

Uraat To Yes Mbaŋooŋa 10:43

Propet tisov tipariaaŋ saveeŋ tooni tighe tamtamon tisov tau tighur ila tooni na, ila i eeza, Maaron pale ireu sosor toozi ilale.” Is 53:5; Ro 10:9; 1Yo 2:2, 12

Uraat To Yes Mbaŋooŋa 3:18

Ve alooŋ. Muuŋ, Maaron ivotia aliiŋa ila propet tooni tisov avozi ighe Mesia tooni aat ibaad pataŋani ve iyamaan yavyavuuŋ tiina. Ŋgar tau yam agham pa Yesu, ene eez tau Maaron aliiŋa tawe anooŋa ivot. Mbo 22; Is 53:5+; Lu 24:44; 1Pe 1:10+

Uraat To Yes Mbaŋooŋa 3:22

Muuŋ, Mose ibood saveeŋ siriv tau izaa to Yesu ighe: ‘Tiina tsiam Maaron pale ighur tamtamon tsiam eta imin propet, ve ivotia Maaron aliiŋa payam imin yau. Tauvene saa saveeŋ tau ighe i isavia, yam aat alooŋa ve ataghoni.

Uraat To Yes Mbaŋooŋa 3:24

“Tauvene aghita. Saawe to propet Samuel ve ilam, propet tisov to Maaron tisavia gabua tau ivot pa saawe tane. Lu 24:27

Uraat To Yes Mbaŋooŋa 7:37

Mose tane, tauta isaav pa yes Israela ighe: ‘Maaron pale ipaburigin tamtamon tsiam eta, ve ighuru imin propet, leso ivotia Maaron aliiŋa payam imin yau.’ Lo 18:15; Mbaŋ 3:22

Uraat To Yes Mbaŋooŋa 8:35

Tauvene Pilip ipaburigin saveeŋ tooni itaghon saveeŋ ziiri tau ŋeer tawe iwaato na, ve iseeŋga pa saveeŋ siriv, ve ivotia vaaru poia to Yesu pani.

Saveeŋ Yoŋgaaŋ 19:10

I isaav tauvene, ve natap nazi aaghe puughu naghe napakuru. Eemon i iŋgalsekin ghau ighe: “Wai, ugham vene sov! Yau besooŋa to Maaron imin yo ve yes toŋvetaz tsio tau yamŋa akis saveeŋ onoon to Yesu ariaaŋ, ve apariaaŋ tamtamon to tighur ila tooni. Tauvene uput aghem ve upakur Maaron mon. Pa uraat tauu to yes propet, ene tauvene: Yes tipariaaŋ tamtamon, leso tighur ila to Yesu.”