Lukas 23:8 - Maaron Saveeŋ Tooni Patabuyaaŋ Tuam

^8-9 Saawe malau, Erod iloŋlooŋ Yesu vaaru, eemon ighita rigta mako. I ighe le ighita Yesu igham gabua ŋgereeta eta. Tauta saawe tau tigham Yesu ila ivot tooni, Erod loolo poia kat, ve igham ghasoniiŋ naol pani. Eemon Yesu iyol aliiŋa rigta mako. Ineneeŋ mon. Is 53:7; Lu 9:9

Mutu (Oov)

^8-9 Sawa mala, Erod ilooŋ Yesu varu, eemoghon ighita rita maau. Ye ighaze le ighita Yesu igham mbeb gharatooŋa eta. Tauto sawa to tigham Yesu ila ivot toni, Erod lolo poia kat, ve igham ghasoniiŋ naol pani. Eemoghon Yesu ipamuul aliŋa rita maau. Neneeŋa moghon. Is 53:7; Lu 9:9

Lukas 23:8 Iomraidhean Croise

Matayu 14:1

Saawe tana, Erod, daaba tau iŋgin taan sirivu to Galilaia na, ilooŋ Yesu vaaru pa uraat tau i ighamghamu na, le igham ŋgar naol.

Markus 6:14

Saawe tana, Yesu vaaru ilaan irau nugh naol, ve kinik Erod ilooŋa paam. Tamtamon siriv tighe: “Ewe aat ŋeer rughuzaaŋa Yoan. I imaat ve Maaron ipaburigini pa mateegh. Tauta tapiri tiina igheen tooni, ve ighamgham gabua ŋgeretazi.” Mk 8:28

Markus 8:34

Ra Yesu ipoi eval tiina tilam tilup zi tomania mbiwa tooni, ve isaav pazi ighe: “Isaav ighe tamtamon eta ighe imin leg ve itaghon eez tsiau, i aat itatan tauu, ibaad ai pambarooŋ tooni, ve ilam itaghon ghau. Mt 10:37+

Lukas 4:23

Tauvene Yesu isaav pazi ighe: “Yau nawatagh: Yam pale asik saveeŋ ziiri ee tau monmon ivotvot ila tamtamon avozi na payau aghe: ‘Dokta, matam iŋgal ve ugharaat taum imin maata.’ Yei nilooŋ tighe yo ughamgham gabua tintiina izi nugh Kapernaum. Mindai ta ugham zi izi nugh tsio puughu tane mako?” Mk 1:21+

Uraat To Yes Mbaŋooŋa 8:19

“Ai, yau naghe yam agham leg tapirimim tana paam. Leso sei tau ighe naghur nimag izala paavo, ene i aat igham Avuvu Patabuyaaŋ.”