Lukas 23:24 - Maaron Saveeŋ Tooni Patabuyaaŋ Tuam

^24-25 Tauvene i ilooŋ zi, ve ipul ŋeer tau eval tiina lolozi pani na, ivot pa ruum to yavyavuuŋ. I ŋeer tau muuŋ ipazaagh tamtamon gha tigham malmal to tiziir gavman to Rom, ve irav tamtamon imaat. Eemon Yesu, Piladus itaghon eval tiina lolozi, ve ighuru ila zaaba siriv nimazi.

Mutu (Oov)

^24-25 Tovenen ye ilooŋ di, ve ipul ŋgeu to ival tiina lolodi pani ne, ivot pa ruum to yabyabuuŋ. Ye ŋgeu to muuŋ ipazaagh tamtoghon ve tigham malmal pa tizurun gavman to Rom tighau, ve irab tamtoghon timaat. Eemoghon Yesu, Piladus itaghon ival tiina ŋgar todi, ve ighuri ila ndaaba pida nimadi.

Lukas 23:24 Iomraidhean Croise

Matayu 27:26

Tauvene Piladus ipul Barabas ivot ila toozi. Ve isaav gha tilos Yesu. Ra ighuru ila zaaba tooni nimazi. Leso tighamu tila, ve tiravu izala ai pambarooŋ.

Markus 15:15

Piladus ighe igham eval tiina tawe lolozi poia. Tauvene ilooŋ aliŋazi, ve ipul Barabas ivot ila toozi. Ve isaav gha tilos Yesu. Ra ighuru ila zaaba tooni siriv nimazi. Leso tighamu tila ve tiravu izala ai pambarooŋ.

Lukas 23:23

Eemon tiyok pa saveeŋ tooni mako. Azezi katitiiŋ pa bobaaŋ tighe Piladus irav Yesu izala ai pambarooŋ. Piladus itoova to irav atezi. Eemon irao mako. Pasaa, avozi iyaryaaŋ kat.

Yoan 19:1

Tauvene Piladus isaav pa zaaba tooni gha tigham Yesu ve tilosi.