Lukas 23:13 - Maaron Saveeŋ Tooni Patabuyaaŋ Tuam

¹³ Tauvene tigham Yesu imuul ila to Piladus, ve Piladus ipoi yes daaba to watooŋrau ve daaba siriv tomania eval tiina tilam tilup zi,

Mutu (Oov)

¹³ Tovenen tigham Yesu imuul ila to Piladus, ve Piladus ipoi yes daba to watooŋrau ve daba pida toman ival tiina tinim tilup di,

Lukas 23:13 Iomraidhean Croise

Markus 15:14

Tauvene Piladus ighason zi muul ighe: “Pasaa? I igham saa sosor?” Eemon tinoknok bobaaŋ tighe: “Uravu izala ai pambarooŋ!”

Lukas 23:35

Eval tiina tiyozyooz ve timarar gabua tau ivotvot na. Ve yes daaba to Yuda paam tiyozyooz ve tisiksik saveeŋ veleghiiŋ pa Yesu tighe: “I iuluul tamtamon naol. Isaav ighe onoon i Mesia, ve Maaron ighuru pa uraat tooni, na iuul tauu lak!” Mbo 22:7

Lukas 24:20

Tauvene nighe pa i aat Uleeŋa tau pale igham mulin iit Israela pa pataŋani toit. Eemon mako. Yes daaba to watooŋrau tomania pooza toit tighuru ila Roma nimazi leso tiravu imaat. Tauta tiravu izala ai pambarooŋ gha imaat. Gabua tane ivot pani mboŋ tol ila wa. Lu 1:68, 19:11; Mbaŋ 1:6

Yoan 12:42

Onoon, pooza katini to yes Yuda tighur ila to Yesu. Eemon tivotia ghuruuŋ ila toozi ivot ighazooŋ mako. Pasaa, tiroi tighe zeran tutuuŋa pale tiziir zi pa lupuuŋ toozi, ve irau yesŋa tilup zi pa suŋuuŋ muul mako.

Yoan 18:38

Tauta Piladus ighasoni muul ighe: “Saveeŋ onoon, ene saa?” Yo 14:6 Piladus isavsaav tomania Yesu le isov, ra ivot ila pa muuri muul, ve isaav pa yes Yuda ighe: “Yau naghita naghe ŋeer tane, i le sosor eta mako.

Yoan 19:4

Tighamgham tauvene, ve Piladus ivot ila muuri, ve isaav pa eval tiina ighe: “Aghita. Yau aat nagham ŋeer tawe ivot ilam payam. Leso awatagh aghe yau naghita naghe i le sosor eta mako.”

Yoan 3:1

Ŋeer tutuuŋa ee ilepleep, eeza Nikodemus. I ileep ila lupuuŋ tiina to yes daaba tau tiŋginŋgin yes Yuda. Yo 7:50, 19:39

Yoan 7:26

Aghita. Aazne, i isavsaav ila eval tiina matazi. Eemon daaba toit tisavia saveeŋ eta pani mako. Tineneeŋ mon. Mindai, yes aat tiwataghi tighe i Mesia taa?

Yoan 7:48

Aghita. Daaba toit ma zeran tutuuŋa, toozi eta ighur ila to ŋeer tawe? Mako. Yo 12:42; 1Kor 1:26, 2:8

Uraat To Yes Mbaŋooŋa 13:27

Eemon eval tiina to Yerusalem tomania yes daaba toozi tighilaal Yesu mako. Onoon, umbom patabuyaaŋ isov, yes tiwatwaat saveeŋ to yes propet. Eemon tighilaal saveeŋ tawe puughu mako. Yesu, i le puughu eta to imaat pani ne mako. Eemon saawe tau yes daaba titiir saveeŋ tooni, tighita tighe i igham sosor tiina, ve tighason Piladus to iravu imaat. Ŋgar tau tighamu, ene iduduuŋ pa Maaron aliiŋa tau muuŋ yes propet tivotia. Saveeŋ toozi tawe, aazne anooŋa ivot wa. Mt 27:20+; Lu 23:18+; Mbaŋ 3:14+

Uraat To Yes Mbaŋooŋa 3:17

“Yam toŋvetaz, yau nawatagh: Yamŋa daaba tsiam aghilaal Yesu mako, tauta agham ŋgar saghati pani. Lu 23:34; 1Kor 2:8

Uraat To Yes Mbaŋooŋa 4:5

Mboŋ nughizau, ra pooza to yes Yuda, tomania ŋginiiŋa toozi, ve zeran ŋgara siriv to tutuuŋ tilup zi izi Yerusalem.

Uraat To Yes Mbaŋooŋa 4:8

Avuvu Patabuyaaŋ izeev Petrus, ve i isaav pazi ighe: “Yam pooza ve yam ŋginiiŋa, mindai?