Lukas 21:24 - Maaron Saveeŋ Tooni Patabuyaaŋ Tuam

²⁴ Tamtamon siriv, pale timbut zi pa mbuzaagh gha timaat. Ve siriv, ene pale koiazŋa tiyau zi tila tileep irau nugh nugh. Ve nugh nugh tau Yuda mako na, pale tigham Yerusalem imin lezi, ve tileep pani ve tiŋgini le irau saawe tau Maaron ighuru pazi na isov, mako tipuli. Mbo 79:1; Lu 20:16; Syg 11:2

Mutu (Oov)

²⁴ Tamtoghon pida, pale timbut di pa buza ve timaat. Ve pida, koiadi pale tiyou di tila tineep irau ndug ndug. Ve ndug ndug to Yuda maau ne, pale tigham Yerusalem inim ledi, ve tineep pani ve tiŋgini le irau sawa to Maaron ighuri padi ne isob, ghoro tipuli. Mbo 79:1; Lu 20:16; Syg 11:2

Lukas 21:24 Iomraidhean Croise

Lukas 21:25

“Murei pale gabua siriv tivot pa aaz, kaiyo, ve pitum timin ilaal pa tamtamon, ve pataŋani tintiina pale tivot izi taan. Te pale isaghat, ve ipei dibom toman luutu tiina kat. Tauvene tamtamon ŋgar toozi pale ivaghamgham ve tisaŋeeŋ. 2Pe 3:10+; Syg 6:12+

Rau Tau Paulus Iboode Pa Yes Roma Rom--Romans 11:25

Yam toŋvetaz, yau naghe navotia gabua yoŋgaaŋa ee payam. Leso apakur gham sorok sov. Onoon, aazne Maaron ipul yes Israela siriv titaghon tauzi ŋgar toozi. Tauta ŋgar toozi iyaryaaŋ kat tighe tizoor saveeŋ tooni. Eemon i irau ipul zi tileep tauvene le alok ne mako. Pale tilepleep tauvene le i iyau nugh nugh tamtamonazi tau i isiigh zi pataghaaŋ na tisov timin le, Lu 21:24; Yo 10:16; Syg 7:9

Hibru 11:34

Siriv, tisik zi tila yav tiina loolo. Eemon yav le tapiri irau to ivaghamun zi mako. Ve siriv, Maaron ipaghau zi pa mbuzaagh maata. Siriv, tapirizi imbool. Eemon Maaron ipalot zi, tauta tiparav ariaaŋ le tiliiv zaaba to nugh siriv, ve tinaan koiazŋa tawe tila. Het 7:19+; 1Sam 17:51; Dan 3:1+

Saveeŋ Yoŋgaaŋ 11:2

Eemon didiiŋ tiina tau ilivut rumei ziige na, utoova sov. Pa Maaron ipul sooso tawe pa nugh nugh tau Yuda mako na, leso tiŋgini irau kaiyo tamoot ru ve geege ru (42). Mboŋ 1260 tana, yes pale tivaghaaz nugh patabuyaaŋ Yerusalem. Saawe tana, yau aat nambaaŋ uraata tsiau ru to tivotia aliŋag pa tamtamon, leso tighur ilam tsiau. Yesuru pale tinonogh zi pa nonoghiiŋa gabgabuai to moŋiiŋ.” Dan 7:24+; Lu 21:24; Syg 12:6, 13:5