Lukas 20:34 - Maaron Saveeŋ Tooni Patabuyaaŋ Tuam

³⁴ Yesu iyol aliŋazi ighe: “Tamtamon to saawe tane tivaivai.

Mutu (Oov)

³⁴ Yesu ipamuul aliŋadi ighaze: “Tamtoghon to sawa tonene tivaivai.

Lukas 20:34 Iomraidhean Croise

Matayu 12:32

Tauvene isaav ighe ŋeer eta isavia saveeŋ saghati iŋarui Tamtamon Naatu, ene Maaron irau ireu sosor tooni. Eemon isaav ighe ŋeer eta isavia saveeŋ saghati iŋarui Avuvu Patabuyaaŋ tomania uraat tooni, ene sosor tauvene, Maaron aat irau ireua mako. Aazne, ve saawe to Mboŋ Murei paam, i irau ireua mako.”

Lukas 16:8

Ra Yesu isaav muul ighe: “Onoon, ŋgar tau uraata tana ighamu na, iduduuŋ mako. Eemon saawe tau tiina tooni ilooŋ vaaru, i ipait uraata tana eeza. Pasaa, i igham ŋgar pa pataŋani tau ighe ivot pani, ve iil eez pa tauu leso murei ileep poia. “Tamtamon tau titaghon ŋgar to taan na, tiliiv yes tau titaghon ŋgar to ghazooŋa. Pasaa, yes tiwatagh katin saa ŋgar to taan tau yes irau tighamu, leso tileep poia izi taan. Ve titaghon ŋgar tawe. Eemon yes tau tiwatagh ŋgar to ghazooŋa na, titaghoni irao mako. Yo 12:36; Ep 5:8; 1Tes 5:5

Lukas 17:27

Saawe tana, tamtamon lolozi iveghai tauzi kat. Tighilaal pataŋani tau ighe ivot na mako. Tighanghan, tighunghun, ve tivavavai zi ila ila le saawe duduuŋ tau Noa iloŋ ila waaŋ loolo. Ra Maaron igham yaa ivot toman tapiri tiina le itav taan, ve iravuur tamtamon tisov tilalez.

Lukas 20:33

Laak, saawe to Mboŋ Murei, ve Maaron ighe ipaburigin yes mateegha, ene pale livaa tawe imin sei kat azaawa? Pa yes liim ve ru ta tisov tivaii.”

Epesus 5:31

Saveeŋ to Maaron igheen pataghaaŋ tauvene: “Puughu tane ta tamoot eta ighe ivai, i aat ipul taama ma tiina, ve yesuru azaawa tivalupu zi timin eemon.” Gnp 2:24; Mt 19:5

Hibru 13:4

Yam asov aat aghita ŋgar to vaiŋ imin gabua tiina, ve matamim iŋgal taumim azuwamimŋa, ve aleep tomani zi mon. Leso asaghat ila Maaron maata sov. Iit tawatagh: Yes tau matazi saghati imin ŋgavuun, ve yes tau tighurghur boog na, i pale ighur atuya pazi. 1Kor 6:9+; Syg 22:15