Lukas 2:42 - Maaron Saveeŋ Tooni Patabuyaaŋ Tuam

⁴² Saawe tau Yesu ndaman tooni imin saŋavul ve ru, tighamu gha yesŋa tizala Yerusalem titaghon ŋgar tau monmon tighamghamu na.

Mutu (Oov)

⁴² Sawa to Yesu ndaman toni inim saaŋgul ve ru, tighami ve yesŋa tizala pa Yerusalem titaghon ŋgar to moghon moghon tighamghami.

Lukas 2:42 Iomraidhean Croise

Lukas 2:41

Ndaman isov, Yesu taama gha tiina tilala Yerusalem pa lupuuŋ tiina to Pasova. Igham 23:14+

Lukas 2:43

Lupuuŋ tawe isov, ra Yosep yesuru Maria tipaburigin laghooŋ toozi tighe timuul tila pa nugh toozi. Eemon Yesu izi ileep Yerusalem. Ve taama gha tiina tiwataghi mako. Matazi iŋgal sorok tighe i yesŋa tamtamon siriv timuuŋ tila wa. Tilaagh tila le ravrav izi, ra tiilo. Tauvene tilaagh irau zetazŋa, ve tighason zi pani.

Lukas 4:16

Yesu imuul ila pa nugh tooni puughu Nasaret tau i itum pani gha imin olman. Ilepleep le umbom patabuyaaŋ ivot, ra itaghon ŋgar tau monmon ighamghamu na, ve iloŋ ila rumei toozi, leso isuŋ tomani zi. I iburig iyooz, leso iwaat Maaron aliiŋa pazi. Mt 2:23

Yoan 4:45

I ila ivot Galilaia, ve yes Galilaia tighamu toman lolozi poia. Pasaa, saawe to lupuuŋ tiina to Pasova, yes paam tila Yerusalem, ve tighita uraat naol ta i igham zi ta sewe.