Lukas 2:32 - Maaron Saveeŋ Tooni Patabuyaaŋ Tuam

³² I pale imin ghazooŋa pa yes tau Yuda mako na, ve ipaghazoŋai zi payo. Ve igham tamtamon tsio Israel ezazi ivot imin tiina paam.” Is 42:6, 49:6; Mbaŋ 13:47, 26:23

Mutu (Oov)

³² Ye pale inim ghazooŋa pa yes to Yuda maau ne, ve ipaghazoŋan di payom. Ve igham tamtoghon tiom Israel izadi ivot inim tiina paam.” Is 42:6, 49:6; Mbaŋ 13:47, 26:23

Lukas 2:32 Iomraidhean Croise

Lukas 2:10

Eemon aŋela tawe isaav pazi ighe: “Yam aroi sov. Alooŋ. Yau nalam to napaesia vaaru poia payam. Vaaru poia tane pale igham tamtamon tisov lolozi poia le poia kat. Mbaŋ 13:52; Ro 15:13

Uraat To Yes Mbaŋooŋa 26:23

Mesia aat iyamaan yavyavuuŋ ve imaat, ve iburig pa mateegh imin maata. Mako ivotia ghazooŋa to Maaron pa tamtamon. Yes Israela, ve nugh nugh tau Yuda mako na paam.” 1Kor 15:20, 23; Kol 1:18

Uraat To Yes Mbaŋooŋa 28:28

Paulus isaav pazi muul ighe: “Tauvene yau naghe yam awatagh kat tauvene: Yam Yuda azor eez tau Maaron igham mulin iit tamtamon pani. Tauta i isakia vaaru ila irau nugh nugh tau Yuda mako na. Ve yes pale tilooŋa, ve tighur ila.” Mbo 67:2; Lu 3:6; Mbaŋ 13:46+; Ro 11:11

1 Korin 1:31

Tauvene tataghon saveeŋ tau tiboode pataghaaŋ na: “Tamtamon tau loolo pa ŋgar to pakuruuŋ, na i aat ipakur Ŋeer Tiina pa ŋgar tau i ighamghamu.” Yer 9:23+; 2Kor 10:17

Saveeŋ Yoŋgaaŋ 21:23

Nugh tawe le uraat eta pa aaz ma kaiyo muul mako. Pasaa, Maaron tauu mbonari, tauta isul nugh ve ighamu ighazooŋ. Ve Sipsip to Maaron ta imin lam pani. Is 60:19+; Yo 1:4-5, 8:12; Syg 22:5