Lukas 2:28 - Maaron Saveeŋ Tooni Patabuyaaŋ Tuam

²⁸ I ighita ŋeer marani, ve ila iiti izaa imbaraara, ve ipait Maaron eeza ighe:

Mutu (Oov)

²⁸ Ye ighita pain kainaŋen, ve ila iiti iza imbaada, ve ipait Maaron iza ighaze:

Lukas 2:28 Iomraidhean Croise

Markus 10:16

Yesu isavsaav le isov, ra igham yes geegeu tawe, ibaad zi, ve niima izala pavozi, ve ighur poia to Maaron izaa toozi.

Markus 9:36

Ra Yesu igham ŋeer marani ee, ipayooze ila sosozi, ra iiti izaa ibaado, ve isaav pa mbiwa tooni muul ighe:

Lukas 1:46

Ra Maria ipait Maaron eeza tauvene: “Yau napait Ŋeer Tiina toman lolog. Pasaa, i eeza tiina kat. Maaron i Uleeŋa tsiau tau igham mulin ghau. Tauvene lolog poia kat pani. Mbo 34:2+; 1Tim 4:10

Lukas 1:64

Rekia mon Sakaria aavo pakia, yaama ibees, ve ipait Maaron eeza pa poia tooni.

Lukas 1:68

“Iit tapait Maaron pa poia tooni! I Tiina to iit Israela. Pasaa, i ilam to iuul tamtamon tooni, leso igham mulin zi pa pataŋani toozi. Mbo 72:18, 111:9; Lu 7:16

Lukas 2:20

Ra yes ŋginiiŋa to sipsip timuul tila. Tilaghlaagh, ve tipapait Maaron eeza pa gabua naol isov tau tilooŋa ve tighita. Pasaa, gabua tana ivot itaghon duduŋai saveeŋ tau aŋela isavia pazi na.

Lukas 2:27

Tauvene Yesu taama gha tiina tighamu tiloŋ tila sirsiir to Rumei Tiina loolo tighe tigham ŋgar tau tutuuŋ isavia na pani. Ve saawe duduuŋ tana, Avuvu Patabuyaaŋ ipaburigin Simeon paam gha iloŋ ila sirsiir to Rumei Tiina loolo.

Lukas 2:29

“O Tiina, yau besooŋa tsio. Ŋgarig gha ateg izi. Aazne, ighe yo ugham ghau napul taan ve nalat, yau aat nalat toman lolog poia. Pasaa, saveeŋ tau yo umbua payau na, ighur anooŋa ivot wa. Gnp 46:30; Pil 1:23