Lukas 18:20 - Maaron Saveeŋ Tooni Patabuyaaŋ Tuam

²⁰ Tutuuŋ ta naol ne, yo uwatagh zi wa: ‘Ughur boog sov, urav tamtamon imaat sov, uum sov, upariaaŋ saveeŋ karom sov, ve matam loŋloŋai pa tamam gha tinam ve utandagh pazi.’ ” Igham 20:12+

Mutu (Oov)

²⁰ Tutuuŋ to naol ne, yom uwatag di wa: ‘Ughur maat malep, urab tamtoghon imaat malep, uyub malep, upariaaŋ saveeŋ kaarom malep, ve matam loŋloŋaiŋa pa tamam ve tinam ve utandag padi.’ ” Igham 20:12+

Lukas 18:20 Iomraidhean Croise

Lukas 18:19

Yesu iyol ghasoniiŋ tooni ighe: “Puughu mindai ta yo ughe yau poiag? Maaron mon ta poia. Ite paam mako.

Lukas 18:21

Ŋeer tawe ilooŋ saveeŋ tane, ve isaav pa Yesu muul ighe: “Wai mos puughu, saawe tau kukuag ve ilam aazne, yau nataghoniir tutuuŋ tana tisov.”

Rau Tau Paulus Iboode Pa Yes Roma Rom--Romans 13:9

Pasaa, tutuuŋ ta naol ne imin “Ughur boog sov,” “Urav tamtamon imaat sov,” “Uum sov,” “Lolom ighaar pa zetamŋa gabua toozi sov,” ve tutuuŋ siriv paam, ene tisov tighenaar ila tutuuŋ eemon tane loolo: “Lolom pa tamtamon ve ugham poghani zi, imin lolom pa taum.” Igham 20:13+; Wkp 19:18

Rau Tau Paulus Iboode Pa Yes Roma Rom--Romans 3:20

Tauvene ŋgar to taghoniiŋ tutuuŋ, ene irau imin eez pa tamtamon eta to iduduuŋ ila Maaron maata ne mako. Mako le mako kat. Tutuuŋ igheen to ipaburigin ŋgar toit, leso taghilaal sosor toit. Mbo 143:2; Ro 7:7; Ga 2:16, 3:11

Epesus 6:2

Alooŋ Maaron aliiŋa tane: “Matam loŋloŋai pa tamam gha tinam, ve utandagh pazi.” Igham 20:12; Mt 15:4 Tutuuŋ tane, ene tutuuŋ imin maata tau saveeŋ mbuaaŋ igheen ila. Saveeŋ tauvene: “Leso uleep poi, ve uleep malau izi taan.”

Kolosi 3:20

Yam geegeu, alooŋ tamamimŋa ve tinamimŋa aliŋazi pa gabua naol isov. Pa ŋgar tauvene igham Tiina toit Yesu loolo poia.