Lukas 18:1 - Maaron Saveeŋ Tooni Patabuyaaŋ Tuam

¹ Yesu isavia saveeŋ palelaaŋ tane pa mbiwa tooni to ipalot zi. Leso tinizi imum pa suŋuuŋ sov, ve tisuŋ pa Maaron irau saawe. Ep 6:18; Kol 4:2; 1Tes 5:17

Mutu (Oov)

¹ Yesu isavia saveeŋ palelaaŋ tonene pa taghoniiŋa toni pa ipalot di. Leso tinidi imum pa suŋuuŋ sob, ve tisuŋ pa Maaron irau sawa isob. Ep 6:18; Kol 4:2; 1Tes 5:17

Lukas 18:1 Iomraidhean Croise

Lukas 11:10

“Pasaa, tamtamon tisov tau tighason, ene aat tighamu. Ve isaav ighe tiilo, ene aat tindeeŋa. Ve ighe tiseŋseŋ ataman, ene aat ataman ikaak pazi.

Lukas 21:36

Tauvene amamaat ariaaŋ irau saawe, ve asuŋ Maaron to ipalot gham. Leso ayooz ariaaŋ pa badooŋ pataŋani naol tana, ve saawe tau ayooz ila Tamtamon Naatu naagho, na aroi mako, ve ayooz toman tintinmim.” 1Yo 2:28

Rau Tau Paulus Iboode Pa Yes Roma Rom--Romans 12:12

Yam awatagh: Murei, Maaron pale igham mulin ghiit ve taleep poia. Matamim iŋgal gabua tane ve aghur matamim pani irau saawe. Leso igham gham lolomim poia. Ve ayooz ariaaŋ pa badooŋ pataŋani, ve asuŋ irau saawe. Apul suŋuuŋ sov. Ro 5:2, 15:13; Kol 4:2; 1Tes 5:16+; Yems 1:4

2 Korin 4:1

Maaron loolo isaghatin ghei ve ireu sosor tsiei, ve ighur uraat tane ila nimamai itaghon tauu poia tooni. Tauvene pataŋani naol tau nibaad zi ne, irau itatan ghei, ve igham ghei nipul uraat tsiei tane mako. 1Kor 15:10; 2Kor 3:6; 1Tim 1:12+

Galesia 6:9

Tiniin imum pa ghamuuŋ ŋgar popoia sov. Pa ighe tapuli mako, ve tanoknok ghamuuŋni, ene aat taghita anooŋa ila saawe tooni. 1Kor 15:58; 2Tes 3:13; Hib 10:36

Epesus 6:18

Ve asuŋ itaghon pooz to Avuvu Patabuyaaŋ irau saawe. Aghason Maaron to iuul gham pa gabua ta naol ne. Ve tinimim imum pa suŋuuŋ sov. Amamaat ariaaŋ, ve aghur Maaron tamtamon tooni patabuyaaŋa tisov tila suŋuuŋ tsiam. Lu 18:1; Kol 4:2; 1Tes 5:17

Pilipai 4:6

Lolomim bubu pa gabua eta sov. Saa ŋgar ma gabua tau ighe ivot payam, na asavia pa Maaron. Suŋuuŋ tsiam iŋaruini irau saawe, apaiti pa poia tooni, ve aghasoni to iuul gham. Mbo 55:22; Mt 6:25+; 1Pe 5:7

Kolosi 4:12

Etamim ite Epapras paam, igham aaz poia payam. I besooŋa poia ee to Yesu Krisi. Monmon i isuŋsuŋ Maaron ariaaŋ kat payam ighe ayooz tuŋia pa ghuruuŋ ila tsiam, ve ŋgar tsiam imatuugh pa Maaron ve saveeŋ tooni, ve awatagh katin ŋgar isov tau Maaron loolo pani na. Kol 1:7; Plm 23

Kolosi 4:2

Yam apul suŋuuŋ sov. Amamaat ariaaŋ, ve asuŋ irau saawe. Ve saawe tau asuŋ, lolomim poia pa Maaron ve apaiti pa poia tooni. Ro 12:12; Ep 6:18; Pil 4:6; 1Tes 5:17

1 Tesalonika 5:17

Ve asuŋ irau saawe. Apuli sov. Lu 18:1; Ro 12:12; Ep 6:18; Kol 4:2