Lukas 17:31 - Maaron Saveeŋ Tooni Patabuyaaŋ Tuam

³¹ “Saawe tana ighe ivot, ve ŋeer eta ilepleep ila nugh to lepoogh ta ruum paavo we, ene irau izila muul ruum loolo to igham gabua tooni siriv mako. Izi le ighau malmali ila. Ve isaav ighe ŋeer eta ileep uum tooni ve ighamgham uraat, ene i paam. Irau imuul ila pa ruum tooni mako. Ighau malmali ila. Mt 24:17+; Mk 13:15+

Mutu (Oov)

³¹ “Sawa tonenen ighaze ivot, ve ŋgeu eta inepneep ila ndug to nepooŋ to ruum pogho we, nene irau izila muul ruum lolo pa igham mbeb toni pida ne maau. Izi le ighau malmali ila. Ve ighaze ŋgeu eta ineep uum toni ve ighamgham uraat, nene ye paam, irau imuul ila pa ruum toni maau. Ighau malmali ila. Mt 24:17+; Mk 13:15+

Lukas 17:31 Iomraidhean Croise

Matayu 16:26

Isaav ighe tamtamon eta igham gabua popoiazi naol isov to taan, eemon i tauu anunu ilale, ene pale gabua naol tana tiuule mindai? Mako. Pale tamtamon tana igham saa gabua ve iravol anunu pani? Mako kat.

Matayu 6:25

Yesu isaav muul ighe: “Tauvene yau nasaav payam: Lolomim bubu pa lepoogh tsiam to taan sov. Agham ŋgar naol pa lemim aniiŋ to ghaniiŋ, ma yaa to ghunuuŋ, ma nonoghiiŋa to anonogh gham pani na sov. Onoon, aniiŋ ve nonoghiiŋa, ene iuul ghiit pa lepoogh to taan. Eemon gabua tauvene irau iuul ghiit to tagham lepoogh poia ila to Maaron ne mako. Pil 4:6; 1Tim 6:6+; Hib 13:5; 1Pe 5:7

Lukas 21:21

Isaav ighe gabua tana ivot, tamtamon tau tileep izi taan sirivu to Yudea na, yes aat rekia mon ve tighawaar tizala pa loloz. Ve yes tau tileep Yerusalem loolo na, aat tipuli ve tighau tila. Ve yes tau tileep Yerusalem ziige paam, irau tiloŋ tila Yerusalem muul mako. Tighau mon gha tila.