Lukas 16:25 - Maaron Saveeŋ Tooni Patabuyaaŋ Tuam

²⁵ “Eemon Abaram iyol aliiŋa ighe: ‘Oo natug, matam iŋgal lepoogh tsio tau muuŋ ughamu izi taan na. Saawe tana, yo uleep poia mon, ve Lasarus ileep saghat. Tauta aazne, aate izi ve igham lepoogh poia izi nugh tane, ve yo uyamaan yavyavuuŋ tiina ta sena. Lu 6:24

Mutu (Oov)

²⁵ “Eemoghon Abaram ipamuul aliŋa ighaze: ‘Oo natug, matam iŋgal nepooŋ tiom to muuŋ ughami izi taan. Sawa tonenen, yom uneep poia kat, ve Lasarus ineep sami. Tauto aazne, ate izi ve igham nepooŋ poia izi ndug tonene, ve yom uyamaan yabyabuuŋ tiina tonanan. Lu 6:24

Lukas 16:25 Iomraidhean Croise

Matayu 27:63

“Tiina tsiei, yei matamai iŋgal saveeŋ ziiri ee tau aavo karom tawe isavia. Saawe tau ileep maata yaryaare, i isavsaav ighe: ‘Yau aat namaat. Ve mboŋ imin tol, mako naburig muul.’

Markus 9:45

“Ve isaav ighe aghem ee ighegherev ghom pa ghamuuŋ sosor, na poia to urav motini, ve usiki ilale. Onoon, yo pale umin narape. Eemon murei, yo pale uloŋ ula nugh sambam, ve uleep matam yaryaare. Ve ighe aghem ru tigheen, ene pale unoknok ghamuuŋ sosor, ve saawe to Mboŋ Murei, aat tisik ghom uzila nugh saghati tau yav ighanghan pani irau saawe.

Lukas 16:20

Mbolaaŋa ee ilepleep igharau kuaz tauu tawe. Eeza Lasarus. I narape, ve tiini isov mbotmboot. Monmon tisursuru ila, ve tighuru izi igharau kuaz tauu tana ataman tooni aavo.

Lukas 16:23

“I izila nugh saghati to mateegha, ve iyamaan yavyavuuŋ tiina kat. Maata izala le ighita Abaram yesuru Lasarus tilepleep malau kat.

Lukas 16:26

Ve gabua ite. Ughita. Maaron ighur sapsapu tiina tane isap sosoon. Leso tamtamon eta to sene ighe ilat tsiam, ene aat irau ilat mako. Ve yam tauvene paam. Tsiam eta irau ilam iliv ta sene mako.’

Lukas 6:24

“Oyai, yam tau kuaz tauŋa na, akaria taumim wa. Onoon, aazne lemim gabua tau igham gham lolomim poia. Eemon gabua tauu to murei, yam ezamim pani mako. Lu 16:25; Yems 5:1

Yoan 16:33

Saveeŋ tane, yau nasavia payam, leso apaak tuŋia ilam tsiau, ve luuma tsiau igheen tomani gham. Onoon, saawe tau aleep izi taan, pataŋani pale igham gham. Eemon aroi sov. Lolomim poia ve ayooz ariaaŋ! Pa taan tapiri, yau natatani wa.” Yo 14:27; Ro 8:35+; 1Yo 4:4, 5:4

Uraat To Yes Mbaŋooŋa 14:22

Yesuru tipapalot Yesu ziŋeera, ve avozi iyaryaaŋ pazi tighe tikis ghuruuŋ ila toozi tuŋia. Ve tisavsaav pazi tighe: “Iit aat tabaad pataŋani naol, o tataghon pooz to Maaron ve taloŋ tala nugh tooni sambam.” Mt 7:14, 16:24; 1Tes 3:3+; 2Tim 3:12

Rau Tau Paulus Iboode Pa Yes Roma Rom--Romans 8:7

Isaav ighe tamtamon eta ŋgar tooni iyaryaaŋ ighe itaghon loolo muŋgaana, ene i ighur koi pa Maaron. Tamtamon tauvene loolo pa ileep ila tutuuŋ to Maaron saamba mako. Isaav ighe itoova to itaghoni, ene aat irao mako. Kol 1:21; Yems 4:4

Pilipai 3:19

Tamtamon tauvene, taghon tala, ene pale tilalez. Pasaa, tibesbees pa ŋgar to ulizi imin maaron pazi, ve ŋgar toozi ilala pa gabua to taan mon. Ve ŋgar tau iit taghita taghe mayaŋa, ene yes tighita tighe ŋgar poia, ve tipakur zi pani. Ro 8:5+, 16:18; 2Pe 2:1+

1 Tesalonika 3:3

Pasaa, niroi pa pataŋani tau ighamgham gham na, pale itok tamtamon tsiam siriv, ve tipul ghuruuŋ ila toozi. Eemon yam awatagh: Iit tau tataghon eez to Maaron ne, aat tabaad pataŋani tauvene. Yo 16:33; Mbaŋ 14:22; 2Tim 3:12

Hibru 11:25

I irau itaghon yes Isipa ve yesŋa tigham ŋgar sasaghati naol to uliin tau igham loloon poia rigmon ve isov. Eemon i loolo pa ŋgar tawe mako. I ighita ighe poia pa ila ipaak Maaron tamtamon tooni, ve yesŋa tibaad pataŋani.

1 Yoan 2:15

Yam aghur lolomim pa ŋgar tomania gabua to taan sov. Pa tamtamon tau ighe ighur loolo pa ŋgar tomania gabua to taan, ene irau loolo igheen to Tamaan Maaron mako. Mt 6:24; Ro 12:2; Yems 4:4

Saveeŋ Yoŋgaaŋ 7:14

Yau nayol aliiŋa naghe: “Tiina, yo uwatagh zi.” Ra i isaav payau muul ighe: “Saawe tau tighur pataŋani tiina pa Maaron tamtamon tooni, zeran tawe tiyooz ariaaŋ, ve tiliiv tovaaŋ tau ivot pazi na. Yes timin nonoghiiŋa toozi pa Sipsip to Maaron siŋ tooni, tauta tiŋgalaaŋ ve tipisosooŋ kat. Is 1:18; Mk 13:19+; Hib 9:14; 1Yo 1:7