Lukas 15:24 - Maaron Saveeŋ Tooni Patabuyaaŋ Tuam

²⁴ Pasaa, iit taghe pa i imaat wa. Eemon mako. Maata yaryaare, ve imuul ilam ivot. Taghe pa i ilale wa. Eemon mako. Aazne, taghita muul.’ Tauvene besooŋa tooni tila tigham uraat itaghon olman aliiŋa. Ra tilup zi pa ghanghaniiŋ toman tintinizi. Ep 2:1,5

Mutu (Oov)

²⁴ Pasa, iit taghaze pa ye imaat wa. Eemoghon maau. Mata iyaryaar, ve imuul inim ivot. Taghaze pa ye ilale wa. Eemoghon maau. Aazne, taghita muul.’ Tovenen mbesooŋa toni tila tigham uraat itaghon olman aliŋa. Ghoro tilup di pa ghanghaniiŋ toman tinidi iza. Ep 2:1,5

Lukas 15:24 Iomraidhean Croise

Matayu 8:22

Yesu iyol aliiŋa ighe: “Mako. Yes tau lezi ghilalooŋ pa Maaron mako ve titaghon eez to mateegh na, yes irau titavia mateegha. Eemon yo aat ulam utaghon ghau.”

Markus 8:22

Yesu tomania mbiwa tooni tila tilooŋ nugh Betsaida, ve tamtamon siriv tigham ŋeer maata kumkuuma ee ilam tooni, ve titaŋ rarai Yesu tighe ighur niima izala ŋeer tawe paavo ve igharaat maata.

Lukas 10:19

Alooŋ. Yau nagham lemim tapirimim to avaghaaz moot sasaghati tomania mboolmamalau (o skorpion), ve atatan koiaan Sadan tapiri le isov. Ve gabua eta irau ivaghamun gham ne mako. Mbo 91:13; Mk 16:18; Mbaŋ 28:5

Lukas 15:23

Ve yam siriv ala agham makau naatu toman tumbuuŋa tau naghuru pa ghanghaniiŋ na, ve aravu. Leso tagham ghanghaniiŋ pa natug tane toman tintiniin.

Lukas 15:25

“Malau mako ve naatu olman aana ileep uum gha ilam. Ilaagh ilam igharau ruum, ve ilooŋ oroor tiina. Ambam itaŋtaŋ ve tighamgham narogho.

Lukas 15:32

Ughita. Iit taghe pa tazim imaat wa. Eemon ileep maata yaryaare. Ve taghe pa ilale wa. Eemon aazne, ilam peria ve taghita muul. Tauvene isaav ighe tagham ghanghaniiŋ pani toman tintiniin, ene iduduuŋ.’ ”

Lukas 15:4

“Isaav ighe tsiam eta le sipsip ndiŋndiŋ ee (100), ve iŋginŋgin zi izi nugh ŋginaaŋa, ve eta ilale, ene pale igham mindai? I pale ipul sipsip tooni tamoot paaŋ saŋavul liim ve paaŋ (99) tana tileep, ve ila iil sipsip tooni tau ilale na, le irau indeeŋa. Ezek 34:11,16; Lu 19:10; Yo 10:11

Lukas 19:10

Tamtamon Naatu, i ilam pa ilooŋ tamtamon tau tisapir pa Maaron eez tooni, leso igham mulin zi.” Ezek 34:11+; Lu 15:1+; 1Tim 1:15

Lukas 9:60

Yesu iyol aliiŋa ighe: “Mako. Yes tau lezi ghilalooŋ pa Maaron mako ve titaghon eez to mateegh na, yes irau titavia mateegha. Eemon yo aat ula uvotia pooz to Maaron pa tamtamon.”

Yoan 11:25

Yesu isaav pani muul ighe: “Ulooŋ. Yau taug ta namin puughu pa burigiiŋ to yes mateegha ve lepoogh to tamtamon tileep matazi yaryaare. Tamtamon eta ighe ighur ilam tsiau ve imaat, ene mateegh irau ikisi mako. I aat iburig muul, ve ileep maata yaryaare le alok. Yo 1:4+; 1Kor 15:51+; 1Tes 4:16+

Yoan 5:21

Taama Maaron, i ipaburigin yes mateegha ve tileep matazi yaryaare. Naatu tauvene paam. Isaav ighe loolo pa tamtamon eta, i aat ighamu ileep poia. Yo 11:25; Ro 4:17; 1Kor 15:45; Ep 2:5

Rau Tau Paulus Iboode Pa Yes Roma Rom--Romans 11:15

Aghita. Saawe tau yes Israela tizoor Maaron ŋgar tooni, ve i ighur muuri pazi, ene imin eez to eval tiina to taan yesŋa Maaron tivalupu zi timin eemon. Tauvene murei, isaav ighe Maaron igham mulin yes Israela paam ve yesŋa tivalupu zi muul timin eemon, ene imin burigiiŋ to yes mateegha.

Rau Tau Paulus Iboode Pa Yes Roma Rom--Romans 12:15

Yes tau tintinizi na, yam ala tintinmim tomani zi. Ve yes tau lezi pataŋani ve titaŋ na, yam ala ataŋ tomani zi.

Rau Tau Paulus Iboode Pa Yes Roma Rom--Romans 6:11

Yam tauvene paam. Agham ŋgar aghe: “Yei tau nipaak Yesu Krisi ne, nipul ŋgar saghati wa. Yei nimin yes mateegha tau irau tigham ŋgar saghati eta muul mako. Ve aazne, nileep to nigham uraat itaghon Maaron loolo ve ŋgar tooni.” 2Kor 5:14+; Ga 2:20; Kol 3:3+

Rau Tau Paulus Iboode Pa Yes Roma Rom--Romans 6:13

Aŋgin poghania anoŋamim siriv siriv, imin matamim, avomim, nimamim ma vene. Apul zi timin besooŋa pa ŋgar saghati muul sov. Muuŋ, yam aleep imin yes mateegha. Ve aazne, Maaron ipaburigin gham gha agham lepoogh paaghu ila tooni wa. Tauvene aghur taumim amin i le kat. Ve aghur anoŋamim siriv siriv tana tisov timin i le paam, leso timin besooŋa pa ŋgar duduuŋa. Ro 12:1; 2Kor 5:14+; Kol 3:5

1 Korin 12:26

Iit tawatagh: Isaav ighe anoŋaan gabuaaŋa eta iyamaan yavyavuuŋ, ene pale anoŋaan isov iyamaan yavyavuuŋ. Ve ighe tipait anoŋaan gabuaaŋa eta, ene pale anoŋaan gabuaaŋa tisov lolozi poia ve tintinizi.

Epesus 2:1

Muuŋ, lepoogh tsiam, ene imin yes mateegha. Pasaa, lemim ŋgar eta pa Maaron mako, ve irau agham ŋgar poia eta mako. Saawe isov, yam amamalaaŋ pa tutuuŋ tooni, ve agham ŋgar sasaghati naol. Kol 2:13.

Epesus 5:14

Ve ghazooŋa tooni isul zi, ve itoor zi. Leso anazi titotoi ghazooŋa tooni. Puughu tane ta tisavsaav tighe: “Yo tau ugheen na, uburig pa mateegh. Leso ghazooŋa to Krisi isul ghom.” Ro 13:11

Kolosi 2:13

Muuŋ, yam amamalaaŋ pa tutuuŋ to Maaron, ve ataghon ŋgar to lolomim muŋgaana. Pasaa, saawe tana, Krisi irav motin ŋgar to lolomim muŋgaana soone. Tauvene lepoogh tsiam, ene imin yes mateegha. Lemim ghilalooŋ pa Maaron mako, ve irau agham ŋgar poia eta mako. Eemon aazne, Maaron ipaburigin gham tomania Krisi, ve agham lepoogh paaghu ila tooni wa. Pasaa, i ireu sosor toit isov ilale. Ro 6:13; Ep 2:1,5,11

1 Timoti 5:6

Ve isaav ighe naar eta tiini ibees pa lepoogh poia to taan mon, onoon, i ileep maata yaryaare. Eemon ghuruuŋ ila tooni, ene imaat wa.

Rau Tau Jud Iboode Jut--Jude 1:12

Saawe tau yam alup gham pa ghanghaniiŋ toman suŋuuŋ itaghon eez to lolomim pa taumim, zeran tana tigham lupuuŋ tsiam isaghat ila Maaron maata. Pasaa, lezi roroniiŋ eta pani mako, ve tigham ŋgar pa zetazŋa mako. Matazi iŋgalŋgal tauzi mon. Yes timin taitai tau taghita ve taghe paita uman izi, eemon mako. Yaghur itiri gha ila. Ve timin ai tau saawe tooni to iyanooŋ, eemon anooŋa mako, ve imaat gha igorgor. Tauvene tamtamon tipeii tomania waria, ve tisiki ilale. Yes timin tamtamon tau timaat pai ru. Pasaa, eez to mateegh tau muuŋ titaghoni ve tipuli, tauta aazne tila titaghoni muul. Mt 15:13; 1Kor 11:20+; 2Pe 2:13,17

Saveeŋ Yoŋgaaŋ 3:1

“Aŋela tau iŋgin lupuuŋ tsiau tau tileep izi nugh Sardis na, ubood saveeŋ ila pani tauvene: ‘Ŋeer tau Maaron Avuvu liim ve ru tileep tomania, ve ikis pitum liim ve ru na, aliiŋa ilat payo ighe: Syg 1:4,16 ‘Ŋgar ve uraat tau yo ughamgham zi na, yau nawatagh zi tisov. Tamtamon tipapait ghom tighe lepoogh tsiam to anunuun, ene iyaryaaŋ kat. Eemon yau naghita ghuruuŋ ila tsio, ene imaat wa.