Lukas 14:11 - Maaron Saveeŋ Tooni Patabuyaaŋ Tuam

¹¹ Pa tamtamon tau ighe ipakur tauu eeza, ene pale titatan eeza izi. Ve isaav ighe tamtamon eta itatan tauu eeza, ene pale tipakuru, ve eeza imin tiina.” Mt 23:12; Lu 18:14; Yems 4:6; 1Pe 5:5

Mutu (Oov)

¹¹ Pasa, tamtoghon to ighaze ipakur tau iza, nene pale titatan iza izi. Ve ighaze tamtoghon eta itatan tau iza, nene pale tipakuri, ve iza inim tiina.” Mt 23:12; Lu 18:14; Yems 4:6; 1Pe 5:5

Lukas 14:11 Iomraidhean Croise

Matayu 23:12

Pa tamtamon tau ighe ipakur tauu eeza, ene pale titatan eeza izi. Ve isaav ighe tamtamon eta itatan tauu eeza, ene pale tipait eeza imin tiina.” Lu 14:11, 18:14; 1Pe 5:6; Yems 4:10

Lukas 1:51

Maaron niima ighamgham uraat tintiina, leso itotoi tapiri ivot ighazooŋ. Tamtamon tau tipapait tauzi ezazi tighe yes tirao na, i ireu zi tighawaar. Lu 18:9+; 1Pe 5:5

Lukas 1:52

Ve yes daaba tau tapirizi tiina na, i izirziir zi pa niazi to ghamuuŋ pooz, ve itatan zi tizi timin kaut sorok. Eemon tamtamon tau lezi ezazi mako na, i ipakur zi. Mbo 113:7; Mt 23:12; Kol 2:15

Lukas 14:12

Ra Yesu isaav pa ŋeer tau isaini ilam pa ghanghaniiŋ tana ighe: “Isaav ighe ugham ghanghaniiŋ, na upoi zetamŋa, toŋvetaz tsio, ziiri waaro tsio, ma yes kuaz tauŋa tau tileep tigharau ghom na sov. Pa murei, yes pale tisain ghom pa ghanghaniiŋ tomani zi ve tiyol mulin nimam. Ene atuya tsio.

Lukas 18:14

Ra Yesu iseeŋ saveeŋ tooni ighe: “Yau nasaav payam. Saawe tau ŋeer to yauŋ takes tana ivot gha ila pa ruum tooni, Maaron ighita ighe i mon ta ŋeer duduuŋa. Ve iitete tawe, ene mako. Pasaa, tamtamon tisov tau tipait tauzi, ene pale Maaron itatan zi. Ve isaav ighe tamtamon eta itatan tauu eeza, ene pale Maaron ipaiti.” Lu 14:11; Yems 4:6; 1Pe 5:5+

Yakobus 1:9

Isaav ighe toŋvetaz eta to Krisi le eeza mako, ene irau loolo poia ve tintini. Pasaa, Maaron pale ipakuru. Yems 2:5

Yakobus 4:10

Atatan taumim ila Maaron maata. Leso i tauu ipakur gham. Mt 23:12

Yakobus 4:6

Eemon poia to Maaron tau izazaa toit, ene tiina le tiina kat. Tauta saveeŋ ziiri ite isaav ighe: “Yes tau tipapait tauzi ezazi na, Maaron ighurghur koi pazi ve itatatan zi. Ve yes tau titatan tauzi ezazi na, i ighurghur poia tooni izazaa toozi.” Mbo 138:6; Lp 3:34; Lu 14:11; 1Pe 5:5+

1 Petrus 5:5

Ve yam geegeu aleep ila ŋginiiŋa tsiam sambazi, ve alooŋ saveeŋ toozi. Yam asov irau atatan taumim ezamim, ve abees poi pa taumim. Pa Maaron aliiŋa isaav tauvene: “Yes tau tipait tauzi ezazi na, Maaron ighurghur koi pazi ve itatatan zi. Ve yes tau titatan tauzi ezazi na, i ighurghur poia tooni izazaa toozi.” Mt 23:12; Yems 4:6

1 Petrus 5:6

Tauvene atatan taumim, ve aleep ila Maaron saksaki niima saamba. Ighe agham tauvene, i aat ipakur gham ila saawe tau i tauu ighuru na. Lu 1:52, 14:11; Yems 4:10