Lukas 13:34 - Maaron Saveeŋ Tooni Patabuyaaŋ Tuam

³⁴ Ra Yesu isaav muul toman loolo ipataŋan ighe: “O Yerusalem, Yerusalem, yo nugh tau uravrav propet to Maaron timatmaat. Ve yes uraata tau i imbaaŋ zi tilat payo na, yo uravrav zi pa maet gha timatmaat. Saawe naol, yau naghe nalup tamtamon tsio tilam tsiau. Leso napagud zi imin tatareek ipagud natŋa pa baage. Eemon yes lolozi pa tilam mako.

Mutu (Oov)

³⁴ Ghoro Yesu isaav muul toman lolo ipataŋan ighaze: “O Yerusalem, Yerusalem, yom ndug to urabrab propeta to Maaron timatmaat. Ve yes uraata to ye imbaaŋ di tilat payom, yom urabrab di pa yaam ve timatmaat. Sawa naol, you naghaze nalup tamtoghon tiom, ve nayou di tinim tiou. Leso napakud di inimale tatareek ipakud ndinatu pa bage. Eemoghon yes lolodi pa tinim maau.

Lukas 13:34 Iomraidhean Croise

Matayu 22:3

Tauvene isain tamtamon katini ighe tilam tighita vaiŋ tau pale ivot. I itartar pa gabua naol le isov, ra imbaaŋ besooŋa tooni siriv tila pa yauŋ yes tau poiŋ tooni igham zi na. Eemon tila le zeran tawe lolozi pa tila mako.

Matayu 22:6

ve siriv tikis yes besooŋa to kinik, ve tipamayaŋin zi, ve tirav zi timatmaat.

Lukas 15:28

“Naatu olman ilooŋ saveeŋ tane, le irau loolo mako ve aate yavyav kat. Tauta loolo pa iloŋ ila ruum mako. Tauvene taama ivot ila tooni, ve itoova to irav aate.

Lukas 19:44

Tauvene yes pale tirav ghom tomania natumŋa, ve tireu mbirisai nugh tsio. Irau tipul maet eta igheen izala maet ite paavo mako. Pasaa, saawe tau Maaron ilam pa uleeŋ ghom, yo ughilaalo mako.” Mika 3:12; Lu 21:6

Lukas 23:28

Yesu maata imuul pazi, ve isaav ighe: “Yam Yerusalem tinazi, ataŋ payau sov. Ataŋ pa taumim ve natumimŋa.

Uraat To Yes Mbaŋooŋa 7:52

Aghita. Muuŋ, timbumimŋa tipul propet eta ileep? Mako. Saawe isov, tighamgham saghatin zi. Ve yes tau muuŋ tivotia Maaron aliiŋa tighe i pale imbaaŋ Mesia ilam na, timbumimŋa tirav zi tisov timataar. Ve saawe tau ŋeer duduuŋa tawe tauu ilam, yam ataghon ŋgar raraate. Azi gha aghuru ila koiŋa nimazi, ve tiravu imaat. Mt 23:31+; Lu 13:34; 1Tes 2:15

Uraat To Yes Mbaŋooŋa 7:59

Tiravrav Stepanus pa maet, ve i isuŋ ighe: “O Tiina Yesu, ugham anunug.” Mbo 31:5; Lu 23:46

Uraat To Yes Mbaŋooŋa 8:1

Saawe tau tirav Stepanus imaat, Saul ileep ve iyok pa ŋgar tau tighamu na. Saawe tana ve ila, yes Yuda tiburig gha tighur pataŋani tiina kat iŋarui lupuuŋ to Krisi tau tileep izi Yerusalem na. Tigham saghatin zi kat. Tauvene tisov tighawaar mbiriis irau taan sirivu to Yudea ve Samaria. Ve yes mbaŋooŋa mon ta tileep izi Yerusalem. Mbaŋ 1:8, 11:19

Saveeŋ Yoŋgaaŋ 11:8

Ve tamtamon pale tipul yesuru patazi tigheen sorok izi eez ziige tau igheen nugh tiina loolo. Nugh tawe, tauta tirav Tiina toozi izala ai pambarooŋ gha imaat. Ve tipaleel pa nugh tawe eeza tighe Sodom ve Isip. Is 1:10+; Mk 10:33+; Lu 13:34