Lukas 12:22 - Maaron Saveeŋ Tooni Patabuyaaŋ Tuam

^22-23 Yesu iseeŋ saveeŋ tooni muul, ve isaav pa mbiwa tooni ighe: “Tauvene yau nasaav payam: Lolomim bubu pa lepoogh tsiam to taan sov. Agham ŋgar naol pa lemim aniiŋ to ghaniiŋ, ma nonoghiiŋa to anonogh gham pani na sov. Onoon, aniiŋ ve nonoghiiŋa iuul ghiit pa lepoogh to taan. Eemon gabua tauvene irau iuul ghiit to tagham lepoogh poia ila to Maaron ne mako. Ve lepoogh tawe, ta gabua tauu. Pil 4:6; Hib 13:5; 1Pe 5:7

Mutu (Oov)

^22-23 Yesu iseeŋ saveeŋ toni muul, ve isaav pa taghoniiŋa toni ighaze: “Tovenen you nasaav payam: Lolomim imbumbu pa nepooŋ tiam to taan malep. Agham ŋgar naol pa amim aniiŋ to ghaniiŋ, ve nonogiiŋa to andud gham pani ne malep. Onoon, aniiŋ ve nonogiiŋa iuul ghiit pa nepooŋ to taan. Eemoghon mbeb tovene irau iuul ghiit pa tagham nepooŋ poia ila to Maaron ne maau. Ve nepooŋ tonowen, to mbeb tau. Pil 4:6; Hib 13:5; 1Pe 5:7

Lukas 12:22 Iomraidhean Croise

Lukas 12:11

“Isaav ighe tikis gham, ve tipayooz gham iloŋ ila rumei, ma tipayooz gham ila yes pooza ve yes daaba to nugh naghozi, na lolomim bubu ve ail ŋgar ve saveeŋ to asavia pazi na sov. Mk 13:11; Lu 21:14+

Lukas 12:29

Tauvene lolomim bubu ve arav taumim pa ghamuuŋ aniiŋ to ghaniiŋ ve yaa to ghunuuŋ na sov.

1 Korin 7:32

Yau naghe pataŋani naol to taan igham lolomim bubu ve agham ŋgar naol sov. Tauta nasavia saveeŋ tane. Ŋeer mbiu tau ighe ighur ila to Krisi, i ighamgham ŋgar tiina pa Tiina toit ve uraat tooni, ve izuari ghi ighe le igham Krisi loolo poia.

Pilipai 4:6

Lolomim bubu pa gabua eta sov. Saa ŋgar ma gabua tau ighe ivot payam, na asavia pa Maaron. Suŋuuŋ tsiam iŋaruini irau saawe, apaiti pa poia tooni, ve aghasoni to iuul gham. Mbo 55:22; Mt 6:25+; 1Pe 5:7

Hibru 13:5

Ve lolomim ighaar pa maet sov. Isaav ighe lemim rigta, ene irao. Pa Maaron tauu isaav ighe: “Yau irau napul ghom, ma naghur murig payo ne mako.” Mt 6:25+; Pil 4:11+; 1Tim 6:6+