Lukas 11:53 - Maaron Saveeŋ Tooni Patabuyaaŋ Tuam

^53-54 Yesu isavia saveeŋ tane le isov, ra iburig ve ivot ila muuri. Zeran tutuuŋa tomania yes ŋgara to tutuuŋ tana atezi yavyav pani kat. Tauvene saawe tana ve ila, tinoknok ghasoniiŋni pa gabua maata maata, ve tisasaŋan. Tighe i isavia saveeŋ eta isosor, o imin le puughu to tikisi.

Mutu (Oov)

^53-54 Yesu isavia saveeŋ tonene le isob ghoro imundig ve ivot ila pumuri. Ndiran tutuuŋa toman yes ŋgara to tutuuŋ tonenen atedi yabyab kat pani. Tovenen sawa tonenen ve ila, tinoknok ghasoniiŋi pa mbeb naol naol, ve tisasaŋan. Tighaze ye isavia saveeŋ eta isosor, ghoro inim le pughu pa tikisi.

Lukas 11:53 Iomraidhean Croise

Lukas 11:52

“Yam ŋgara to tutuuŋ, akaria taumim wa! Pasaa, ki tau ikaak ataman pa tamtamon leso tiwatagh katin Maaron, ta yam aŋguaaza pazi. Yam taumim aloŋ ala mako. Ve yes tau tizuari zi tighe tiwatagh katin Maaron ve tiloŋ tila nugh tooni na, yam aponpoon eez pazi.”

Lukas 20:20

Yes daaba to watooŋrau tomania zeran tutuuŋa tana matazi itataghon Yesu. Tauvene timbaaŋ zeran siriv, leso tipadeu pani. Zeran tawe tigham tauzi imin yes zeran to taghoniiŋ ŋgar duduuŋa. Yes tila leso titombaan Yesu pa savsaveeŋ. Ighe isik aliiŋa eta isosor, mako imin puughu pani to tikisi, ve tighuru ila gavana to Rom niima.

Lukas 20:27

Yes Sadusi tisavsaav tighe mateegha irau tiburig mako. Tauvene Sadusi siriv tila to Yesu, ve tighasoni tighe: Mbaŋ 23:8

Uraat To Yes Mbaŋooŋa 26:9

“Muuŋ, ŋgar tsiau iyaryaaŋ naghe yau aat nataghon ŋgar maata maata to navaghamunia Yesu to Nasaret eeza, ve natatan saveeŋ tooni. Mbaŋ 8:3; 1Kor 15:9; Ga 1:13; 1Tim 1:13

1 Korin 13:5

Ve tagham ŋgar eta isosor ila tamtamon matazi mako, ve mataan iŋgal tauun mon mako. Ve ateen yavyav soroksorok mako, ve mataan kisin sosor to tamtamon mako. Ro 13:10; 1Kor 10:24,33; Pil 2:4

2 Korin 8:6

Uraat to uleeŋ tane, poia to Maaron imin puughu pani, ve Titus ipaburigini ila sosomim wa. Tauta yei nisaav pani to ipalot gham pani le apasovu kat.