Lukas 1:80 - Maaron Saveeŋ Tooni Patabuyaaŋ Tuam

⁸⁰ Yoan itum imin olman, ve Maaron Avuvu tapiri igheen tooni ve ipaloti. I ila ileep izi nugh ŋginaaŋa le irau saawe tau ipaburigin uraat tooni ila yes Israela matazi. Lu 2:40,52

Mutu (Oov)

⁸⁰ Yoan itub inim olman, ve Maaron Avuvu tapiri ineep toni ve ipaloti. Ye ila ineep izi ndug balim le irau sawa to ipamundigin uraat toni ila yes Israela matadi. Lu 2:40,52

Lukas 1:80 Iomraidhean Croise

Matayu 11:7

Yoan ziŋeera tana tipul Yesu ve tila, ra Yesu isavia Yoan pa eval tiina tau yesŋa tilepleep na ighe: “Laak, saawe tau yam ala nugh ŋginaaŋa, aghe aghita saa kaut? Pispiiz tau yaghur iravu ila ilam? Ma ala aghe aghita ŋeer eta tau inonogh ghi pa uuli poia? Mako. Aghita. Yes tau tinonogh zi pa uuli tau ŋgeretazi popoia na, tilepleep ila nugh tauvene mako. Yes tileep ila ruum tintiina to yes kinik. Mt 3:5; 6:29

Matayu 3:1

Saawe tau ŋeer rughuzaaŋa Yoan ipaburigin uraat tooni, i ila ivot nugh ŋginaaŋa to Yudea, ve ivovotia Maaron aliiŋa pa tamtamon ighe:

Lukas 1:15

Pasaa, i pale eeza tiina ila Maaron maata. I irau ighun vaen ma yaa ariaaŋa mako. Ve saawe tau i ilepleep ila tiina aapo loolo ve ila, Avuvu Patabuyaaŋ pale izeeva. Nam 6:1+

Lukas 2:40

Natuzi itum imin olman rig ve tapiri ivot. Ve ŋgar tooni paam, ivot imin tiina ve ŋgar popoia katini igheen tooni. Ve poia to Maaron igheen tomania. Lu 1:80, 2:52

Lukas 2:52

Yesu itum imin olman, ve ŋgar tooni imatuugh pa ŋgar popoia to Maaron. Tauvene Maaron loolo poia pani. Ve tamtamon paam, lolozi poia pani.

Yoan 1:31

Muuŋ, yau paam naghilaalo mako. Eemon yau nalam to narughuuz tamtamon pa yaa, leso nagharaat eez pani, ve navotia pa yes Israela.”

Uraat To Yes Mbaŋooŋa 18:28

Pasaa, i iyooz ariaaŋ kat pa savsaveeŋ, ve ivovotia Maaron aliiŋa tau tiboode na puughu pa tamtamon, leso tighilaal tighe Yesu, i Mesia. Tauta i itatan saveeŋ to yes Yuda ila eval tiina matazi. Mbaŋ 9:22