Lukas 1:79 - Maaron Saveeŋ Tooni Patabuyaaŋ Tuam

⁷⁹ Yes tau ndoroom ikau zi ve tileep ila mateegh yavyaava na, ghazooŋa tawe pale isul zi ve ipaghazoŋai zi. Leso tataghon duduŋai eez to Maaron, ve taleep poia ila tooni.” Is 9:1+; Mt 4:16; Yo 8:12; Mbaŋ 26:18

Mutu (Oov)

⁷⁹ Yes to ndoroom ikau di, ve tineep ila mateeŋ yavyaava, ghazooŋa tonowen pale isul di, ve ipaghazoŋan di. Ve ye pale igham pooz pait, leso tataghon ataam to taneep poia toman lolood luuma.” Is 9:1+; Mt 4:16; Yo 8:12; Mbaŋ 26:18

Lukas 1:79 Iomraidhean Croise

Lukas 2:32

I pale imin ghazooŋa pa yes tau Yuda mako na, ve ipaghazoŋai zi payo. Ve igham tamtamon tsio Israel ezazi ivot imin tiina paam.” Is 42:6, 49:6; Mbaŋ 13:47, 26:23

Yoan 1:9

Tauvene ghazooŋa tauu, ta isul tamtamon tisov ve ipaghazoŋai zi pa Maaron, tauta izilam taan. Yo 8:12, 9:5; 2Kor 4:6

Yoan 12:46

Yau nazilam taan to namin ghazooŋa pa tamtamon. Leso tamtamon tisov tau tighur ilam tsiau ne, tileep ila ndoroom loolo muul sov. Yo 1:4, 8:12

Yoan 8:12

Yesu isaav ila pa eval tiina muul ighe: “Yau taug ta ghazooŋa to taan. Isaav ighe tamtamon eta itaghon ghau, i aat ilaagh ila ndoroom loolo muul mako. Ghazooŋa to Maaron pale igheen tooni, ve igham lepoogh poia ilam tsiau.” Mbo 27:1; Is 49:6; Lu 2:32; Yo 1:4+; 2Kor 4:6

Yoan 9:5

Saawe tau nalepleep izi taan, yau taug ta namin ghazooŋa pa tamtamon to taan.” Yo 1:4+, 5:17, 8:12, 12:35

Uraat To Yes Mbaŋooŋa 10:36

Onoon, vaaru poia tau isavia eez to itiŋa Maaron tavalupu ghiit tamin eemon ve luuma tooni izaa toit, ene Maaron ighuru ilam to yei Israela imin maata. Eez tawe, ene uraat to Yesu Krisi. I Tiina to iit tasov. Ro 10:12; Ep 2:14; Kol 1:20

Uraat To Yes Mbaŋooŋa 26:18

Ve yo aat upaghazoŋai ŋgar toozi payau. Leso titoor ŋgar toozi, ve tighur murizi pa Sadan tapiri ve ŋgar sasaghati to ndoroom, ve tiŋarui Maaron ve ghazooŋa tooni. Ighe tigham tauvene, ene aat nareu sosor toozi ilale. Ve saawe tau Maaron irei gabua popoia pa tamtamon tooni patabuyaaŋa, ene pale yes lezi abuzi paam. Pasaa, tighur ilam tsiau ve timin i le wa.’ Yo 8:12; Mbaŋ 2:38; Ep 1:18, 5:8; Kol 1:13; 1Pe 2:9

Rau Tau Paulus Iboode Pa Yes Roma Rom--Romans 3:17

Tauvene eez to tavalupu ghiit tamin eemon ve taleep toman loloon luuma, ene yes tiwataghi rigta mako. Is 59:7+; Lu 1:79

Epesus 5:8

Muuŋ, yam ataghon ŋgar to ndoroom. Eemon aazne, yam apaak Tiina toit Yesu, ve ghazooŋa tooni isul gham. Tauvene laghooŋ tsiam, yam aat ataghon ŋgar to ghazooŋa.