Lukas 1:76 - Maaron Saveeŋ Tooni Patabuyaaŋ Tuam

⁷⁶ Ra Sakaria isaav pa naatu ighe: “Natug, yo pale tiwaat ghom tighe propet to Maaron Tiina Tau Iliiv Zimaronŋa Tisov. Pasaa, yo pale umuuŋ pa Ŋeer Tiina, ve ugharaat eez pani. Is 40:3; Mal 3:1; Mt 3:3, 11:9

Mutu (Oov)

⁷⁶ Ghoro Sakaria isaav pa natu ighaze: “Natug, yom pale tiwaat ghom tighaze propet to Maaron Tiina To Ilib Pa Ndimaronŋa Tisob. Pasa, yom pale umuuŋ pa Ŋgeu Tiina, ve ugharaat ataam pani. Is 40:3; Mal 3:1; Mt 3:3, 11:9

Lukas 1:76 Iomraidhean Croise

Matayu 14:5

Erod ighe irav Yoan imaat. Eemon iroi pa eval tiina pasaa, yes tighur ila tighe Yoan, i propet to Maaron. Mt 21:26

Matayu 21:26

Ve ighe tasaav taghe: ‘Yoan itaghon ŋgar to tamtamon’, iit aat tayamaan ghiit pa eval tiina tane. Pasaa, tisov tighur ila tighe Yoan, i propet tauu to Maaron. Ighe tareu lolozi, pale tigham ŋgar eta.”

Matayu 3:11

Yau narughuuz gham pa yaa imin ilaal payam ighe yam atoor ŋgar tsiam ila pa Maaron wa. Eemon ŋeer ee aat ilam murei payau. I tapiri tiina. Iliiv ghau kat. Uraat sorok imin badooŋ zuzuuŋa to aaghe, ene paam, yau poiag irau to nagham pani mako. I pale igham Avuvu Patabuyaaŋ payam tomania yav. Yo 3:5+; Mbaŋ 1:5, 19:4

Matayu 3:3

Yoan tawe ta muuŋ propet Isaia isavia saveeŋ siriv iŋaruini ighe: “Ŋeer ee iboboob izi nugh ŋginaaŋa ighe: ‘Agharaat eez pa Ŋeer Tiina. Apaduduŋai eez ta naol ne pani le tiduduuŋ.’ ” Is 40:3

Markus 11:32

Ve ighe tasaav taghe: ‘Yoan itaghon ŋgar to tamtamon,’ pale poia?” Tisaav tauvene pasaa, tamtamon tisov tighur ila tighe Yoan i propet tauu. Tauvene yes tiroi, ve tiyol ghasoniiŋ to Yesu tighe: “Ii, yei nikankaan pani.” Tauta Yesu aana isaav pazi: “Ighe tauvene, yau paam, aat irau nayol ghasoniiŋ tsiam, ve navotia puughu tau yau ezag pa uraat tsiau tane ne mako.”

Lukas 1:32

I pale eeza tiina kat, ve tiwaato tighe Maaron Tiina Tau Iliiv Zimaronŋa Tisov na Naatu. Tiina toit Maaron pale ighuru to igham pooz imin tiimbu David. Mbo 2:6+, 132:11; Is 9:6+

Lukas 1:35

Aŋela iyol aliiŋa ighe: “Avuvu Patabuyaaŋ tomania Maaron Tiina Tau Iliiv Zimaronŋa Tisov na tapiri pale izaa tsio. Tauvene marani tau yo upoopa na, i pale patabuyaaŋ, ve tiwaato tighe ‘Maaron Naatu.’ Mt 1:18+; Mk 15:39

Lukas 6:35

Yam aat ataghon ŋgar ite tauvene: Lolomim pa koiamimŋa, ve agham poghani zi. Agham gabua pazi toman lolomim poia. Ve aghur matamim pazi to tiyat gabua tsiam sov. Leso agham lemim atuya tiina, ve amin Maaron Tiina Tau Iliiv Zimaronŋa Tisov na natŋa. Pasaa, yes zeran sasaghatizi, ve yes tau tighita poia tooni imin kaut sorok ve lolozi iveghveegh pani na, i ighamgham poghani zi paam. Ro 5:8

Yoan 1:23

Tauvene Yoan isaav pazi ighe: “Yau ŋeer tau muuŋ propet Isaia isavia na ighe: Ŋeer ee iboboob izi nugh ŋginaaŋa ighe: ‘Apaduduŋai eez pa Ŋeer Tiina le iduduuŋ.’ ” Is 40:3

Yoan 3:28

Muuŋ, itiŋa talepleep, ve yam taumim alooŋ ghau nasaav naghe: ‘Yau Mesia mako. Maaron imbaaŋ ghau namuuŋ nalam to nagharaat eez pani mon.’ ” Yo 1:20, 23

Uraat To Yes Mbaŋooŋa 16:17

I ighita yeŋa Paulus, tauvene itaghon ghei ve iboboob ighe: “Ai, aghita. Zeran tane, yes besooŋa to Maaron Tiina Tau Iliiv Zimaronŋa Tisov. Yes tilam to tivotia eez to Maaron igham mulin gham, ve aleep poi.” Mk 1:24, 34