Lukas 1:3 - Maaron Saveeŋ Tooni Patabuyaaŋ Tuam

^3-4 Yau tauvene paam. Saawe malau rig, nazuari ghau leso nawatagh katin uraat naol tana ila ta puughu ve ilam. Ve nabood sinaiŋ tana ila rau itaghon duduŋai gabua tau ivot na. Tauta aazne nayambaara ilat payo. Leso yo uwatagh ughe saveeŋ tau tipaduduuŋ ghom pani na, ene onoon mon. 2Tim 3:14; 2Pe 1:16

Mutu (Oov)

^3-4 You tovene paam. Sawa mala ris, nazuari ghou, leso nawatag katin uraat naol tonenen ila to pughu ve inim. Ve nambood kamos tonenen ila rau itaghon katin mbeb to ivot. Tauto aazne, nasaŋgoora ilat payom. Leso uwatag ughaze saveeŋ to tipatoot ghom pani, nene onoon moghon. 2Tim 3:14; 2Pe 1:16

Lukas 1:3 Iomraidhean Croise

Lukas 1:1

O tiina tsiau Teopilus, Maaron igham uraat tiina ivot ila iit sosoon itaghon saveeŋ mbuaaŋ tooni. Saawe tau uraat tawe ivot imin maata ve ilam na, zeran siriv tilepleep, ve tighita pa matazi. Tauta tipariaaŋ uraat tana saveeŋa ve tigham uratoini. Zeran tawe tisinai poi payei pa uraat tana. Leso niwataghi paam. Ve tamtamon katini titoova to tibood duduŋai sinaiŋ tana ila rau. Mbaŋ 1:1+; Hib 2:3; 1Yo 1:1

Uraat To Yes Mbaŋooŋa 1:1

O Teopilus, uraat naol tau Yesu ighamu imin maata, tomania saveeŋ isov tau i ipaduduuŋ tamtamon pani, tauta igheen ila rau tau naboode ilat payo imin maata na. Saveeŋ tomania uraat tooni tawe ilam ilam le Maaron ighamu imuul izala pa sambam. Yesu imaat ve iburig muul, ve mboŋ tamoot ru tau itaghoni na, i ila ivotvot to yes mbaŋooŋa tooni tau i tauu isiigh zi timin le na, ve itotoi tauu pazi ila eez maata maata. Leso tiwatagh kat tighe i iburig pa mateegh, ve ileep maata yaryaare. Saawe tana, ila uraat to Avuvu Patabuyaaŋ, i ipaghazoŋai ŋgar toozi pa tutuuŋ tooni siriv. Ve isavsaav pazi pa pooz to Maaron. Lu 1:1+, 9:51, 24:13+; Yo 20:19+; 1Kor 15:5+

Uraat To Yes Mbaŋooŋa 11:4

Tauvene Petrus ipaes pazi poi pa gabua naol tau ivot pani na, ighe:

Uraat To Yes Mbaŋooŋa 15:19

Ra Yakobus iseeŋ saveeŋ tooni muul ighe: “Yau naghita naghe yes tau Yuda mako, ve aazne titoor ŋgar toozi gha tighur ila to Maaron na, iit irau tagham pataŋani pazi mako.

Uraat To Yes Mbaŋooŋa 15:25

Tauvene yei nilup ghei, ve nivasavo ghei pa pataŋani tane le nivot pa ŋgar eemon. Tauta nighur tamtamon tsiei siriv tigham naghomai, ve nimbaaŋ zi tilat. Ve Banabas yesuru Paulus, tamtamon toit ru tau lolomai igheen toozi kat na, tilat tomani zi paam.

Uraat To Yes Mbaŋooŋa 15:28

Avuvu Patabuyaaŋ igham pooz payei le nighita nighe irau nighur tutuuŋ naol payam mako. Pa aat igham pataŋani payam. Tauvene yei aat nisavia gabua tintiina mon tau nighe ataghon zi.

Uraat To Yes Mbaŋooŋa 18:23

Paulus ileep malau rig izi Antiok, ra ipaburigin laghooŋ muul, ve ilaagh irau taan sirivu to Galesia ve Pirigia, ve ipapalot Yesu ziŋeera.

Uraat To Yes Mbaŋooŋa 23:26

“O gavana Feliks, tiina tsiau. Yau Klodias Lisius nagham aaz poia payo.

Uraat To Yes Mbaŋooŋa 26:25

Eemon Paulus iyol aliiŋa ighe: “Tiina tsiau Festus, dabag ivaghamgham mako. Yau nasavia saveeŋ onoon mon tomania ŋgar.

1 Korin 16:12

Ve toŋvetaz toit Apolos, saawe naol yau nasavsaav ariaaŋ pani naghe yesŋa toŋvetaz toit siriv tilat tighit gham. Eemon loolo pa ilat pa saawe tane mako. Pale ighita sooso eta, o ilat ighit gham.

1 Korin 7:40

Eemon yau naghita naghe: Yes zinaara tau tivai muul mako, ve tileep sorok na, yes pale tintinizi ve poia tiina to Maaron izaa toozi iliiv yes tau tivai muul na. Saveeŋ tane, yau naghita naghe Maaron Avuvu igham pooz payau ve nasavi a.

1 Timoti 4:6

O Timoti, isaav ighe yo upaesia aliŋag isov tau igheen ila rau tane pa yes toŋvetaz to Krisi, ene aat umin besooŋa poia to Yesu Krisi. Ve saveeŋ poia tau iit taghur ila na, pale ipalot ghom imin aniiŋ poia. Saveeŋ tana, tipaghazoŋai ghom pani ve utaghoni wa.