Hibru 2:1 - Maaron Saveeŋ Tooni Patabuyaaŋ Tuam

¹ Tauvene Maaron aliiŋa tau talooŋa na, iit aat mataan kisini ve tataghoni kat. Mako pale tapul Maaron imin waaŋ gogoon tau waŋaar igherevu gha imoghan ilale.

Mutu (Oov)

¹ Tovenen Maaron aliŋa to talooŋa, iit irau mataad kisini ve tataghoni kat. Pa vene, tapul Maaron tanimale waaŋ to waŋaar igherebi ve imoghan ilale.

Hibru 2:1 Iomraidhean Croise

Matayu 16:9

Aghilaal ghau soone? Gabua ŋgeretazi naol tau yau nagham zi na, lolomim iveghai zi wa? Saawe tau napan tamtamon ndiŋndiŋ ndiŋndiŋ liim (5000) pa mberet liim mon, yam agoog aniiŋ siriv siriv irau nakaral piiz? Mt 14:17+

Markus 8:18

Yam lemim matamim ve taliŋamim. Mindai ta aghita gabua mako, ve alooŋ saveeŋ mako? Lolomim iveegh wa? Saawe tau nateev mberet liim mon pa tamtamon ndiŋndiŋ ndiŋndiŋ liim (5000) na, yam agoog aniiŋ siriv siriv, ve apavon nakaral piiz?” Yes tiyol aliiŋa tighe: “Saŋavul ve ru.” Mk 4:12; Mbaŋ 28:26+

Lukas 8:15

Ve uuv siriv tau titap tizala taan poia, ene izaa to yes tau ŋgar toozi poia ve lolozi eemon ila pa Maaron. Tauvene tilooŋ saveeŋ tooni, ve tikisi ariaaŋ ila lolozi, ve ghuruuŋ ila toozi ighurghur anooŋa popoia.” Hib 10:36; Yems 1:25

Lukas 9:44

“Yam aghur taliŋamim poi pa saveeŋ tane. Tamtamon Naatu, pale tighuru ila koiŋa nimazi.” Lu 9:22

Yoan 8:59

Saveeŋ tooni tane ipas yes Yuda tana atezi. Tauvene tikor maet tighe tiravu pataghaaŋ. Eemon i iŋguaaz tauu, ve ipul Rumei Tiina, ve ivot ila muuri.

Hibru 12:5

Yam aat lolomim iveegh pa saveeŋ palotiiŋ ee tau iŋarui yam tau amin Maaron natŋa na? Isaav ighe: “Natug, isaav ighe Ŋeer Tiina ighur pataŋani eta payo to ipaduduuŋ ghom, na ughita imin gabua sorok sov. Ugham ŋgar pani poi. Ve isaav ighe i iyaon ghom, na lolom isaghat sov.

2 Petrus 1:15

Ve yau aat nail eez siriv. Leso saawe tau ighe napul gham ma vene, yam irau matamim kisin saveeŋ tau nasavia payam ne.

2 Petrus 3:1

Zeran tsiau, yau lolog igheen tsiam kat. Ene rau ite tau naboode ilat payam. Rau tsiau ru tau nabood zi na, pughuzi eemon. Naghe napei ŋgar tsiam muul, leso ataghon ŋgar ŋgalaaŋa mon ila Maaron maata,